Daily Newspaper

Arsenal tum leh tur City

14

Ninga zan khan Ca-rabao Cup fourth round khelh chhunzawm a ni a. Inkhel ngaihven hlawh takah Arsenal chuan mualneitu Liverpool an hneh a, quarter final an lut. Arsenal hian khingpui hautak tak an nei zui leh dawn a, champion lai Manchester City nen semi final luh an inchuh a ngai dawn.

Gunners an chak let
Liverpool hian tha-whtan zan khan Arsenal hi Anfield-ah an lo mi khual tawh a, 3-1 lo hnehin EPL-a an chak tluang lai an tihtawpsak. EPL-a an inhmachhawn hnu lawkah Anfield-ah ngei Gunners nen hian an inhmachhawn zui leh zat a, thawhtan zana tlawm Arsenal chuan hnehna chang letin Carabao Cup atangin an petchuak.

Anfield-a Carabao Cup fourth round khelhah hian manager pahnihten an rawlthar player an chhawr hnem a, thawhtan zana an player tam zawk an hahdamtir. Mualneitu lam hi hlauhawm zawkah tan mahse goal awm lovin an inhnehtawk a, penalty hmanga thelh an ngai.

Penalty-ah hian Gunners player Berd Leno a che ropui hle a, vawihnih ngawt a dang a, a team a chakpui. Liverpool tana Divock Origi leh Harry Wilson te pet chu Leno hian a dang a, Arsenal tan Mohamed Elneny chuan thelh bawk mahse 5-4 in chungnung zawkah an tan ta tho va, Community Shield-ah penalty hmanga an hneh tawh Reds chu penalty hmang bawka hnehin Carabao Cup atangin an petchhuak ta a ni.

Arsenal hian khingpui hautak tak an neihzui a ngai thung a, Champion lai Manchester City an hmachhawn leh dawn. Gunners hian City hi an mikhual ve thung ang a, December ni 21-ah quarter final hi khelh tura ruahman a ni. Season liam ta khan Gunners hian FA Cup atangin City hi an lo petchhuak tawh a, Carabao Cup atangin hnawhchhuah ngei an tum leh a ngai dawn a ni.

Ninga zana Carabao fourth round-ah Arsenal an chak lai hian EPL team hnih an tla ve thung a, Fulham leh Aston Villa te chu championship team lakah an mualpho ve ve.

EPL club thar Fulham chuan khualmualah Cha-mpionship club Brentford an hmachhawn a, si thum fai ngawtin an mualpho. Brentford tan hian Mar-cus Forss chuan hmahruai na goal a thun a, Pinnock leh Nørgaard ten goal thun belh leh bawkin an chakna an nem nghet a, quarter final-ah New-castle United hmachhawn turin an chak.

Championship club Stoke City chuan khual-mualah Aston Villa an hmachhawn a, si khat faiin an chak a, Totten-ham an hmachhawn zui leh ang.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy