Artificial Intelligence chungchang zir ho
Zoram Research Foundation leh Research, Innovation and Extension Cell, IQAC, Govt. Aizawl College tang dun buatsaihin Ningani khan Govt. Aizawl College Conference Hall, Mualpuiah Artificial Intelligence chungchang zir hona, Worshop on Artificial Intelligence Awareness hun an hmang. He AI workshop hi IFFCO TOKIO General Insurance puihnaa neih a ni.
He hun hi Lalramsanga Sailo, Secretary, Govt. of Mizoram, Sport and Youth Services chuan khuallian niin a hmanpui a, Prof. Vanlalringa Bawitlung-in kaihruaiin, college Principal Lalbiakzuala’n inlawmna hun a hmang a, IFFCO TOKIO General Insurance atangin Lalrinsanga’n thu a sawi.
Khuallian chuan tunlai khawvelah AI hman tangkai a tul thu a sawi a, college zirlaite chu engtiangin nge AI hi eizawnna atan kan hmang tangkai theih ang tih ngaihtuah turin a fuih.
Esther Lalremruati,FAO, ICT Department chuan tunlaia AI hmasawnna leh a lo dawnsawn dan tur a sawi a, Dr Lalthlamuana, ICT-a Chief Informatics Officer ni thinin 2025-a ICT hmasawnna leh AI hmanga inrelbawlna chungchangte a zirtir. Rochamliana, Zoram Research Foundation general secretary-in lawmthu sawiin hun a khar.
Artificial Intelligence chungchang zir ho
