Taylor Swift hi Billboard Artost 100 chart-ah No.1 niin, he chart-a a No.1 tawh zawng zawng chu kar 87 a tling ta a, he chart-a No.1 ni ngun ber a nihna a sawh nghet lehzual e.
Billboard Artist 100 chart hi kar khat chhunga US-a zaithiam lar dan tehna niin, chart ranking siam nan hian kar khat chhunga an hla leh album hralh tam dan te, streaming leh radio airplay te chu tehna pawimawh a ni.
Taylor Swift hian a re-recorded album ‘1989 (Taylor’s Version)’ leh album dang pakua hralh that zar a la zo ta zel a, hei bakah hian a hla pawhin hralh a la kal hle zel a ni. A album ‘1989 (Taylor’s Version)’ hi Billboard 200 (albums) chart-ah No.2 a la ni a, a album dang pakua chu chart-a lang bawkin, chung zingah chuan ‘Midnights’ chu No.6 niin, ‘Lover’ No.8 leh ‘Folklore’ No.9-ah te an lang.
A hla te pawh hralh a la kal zel a, Billboard Hot 100 (singles) chart-ah ‘Cruel Summer’ chu No.2 a la ni a, ‘Is It Over Now? (Taylor’s Version) [From the Vault]’ pawh No.9 niin, a hla dang panga chu Hot 100 chart-ah an la lang bawk.
Dolly Parton pawh No.3 niin, he chart-a a thlen san ber a la ni. Parton hian a album thar ‘Rockstar’ chu Billboard 200 chart-ah No.3 a kai pui a, a hla Hot 100 a lang thei a nei bawk a, hei hian Artist 100-ah pawh a vawrh sang ta a ni.
ENPHYPEN pawh No.5-ah an rawn lang thar ve leh ta a, anni pawh hian an album thar ‘Orange Blood’ chu Billboard 200-ah No.4 an kai pui a, hei hi Artist 100 chart-ah pawh an thlen san pui ta a ni.
Billboard Artist 100 Top 10:
1 Taylor Swift
2 Drake
3 Dolly Parton
4 Morgan Wallen
5 ENHYPEN