Daily Newspaper

Artist 100 chart-a kar 40 No.1 thei awm chhun Taylor Swift

14

Taylor Swift chu Billboard Artist 100 chart-ah a No.1 leh a, hetihrual hian Cardi B leh Megan Thee Stallion te pawh top 10-ah an invawrh lut.

Taylor Swift hi Billboard Artist 100 chart-ah hian a No.1 tawh hun chhung belhkhawm chu kar 40 a tling ta chiah a, he chart-a kar 40 No.1 thei hmasa ber a ni a, he chart-a No.1 ni ngun ber record a siam pawh a sawhnghet leh sauh e.

Billboard Artist 100 chart hi kar khat chhunga US-a zaithiam lar dan tehna chart a ni ber a, kar khat chhunga US-a an album leh hla mal hralh zat te, streaming leh radio-a an zaitir nasat dan bakah social media fan interaction te chu chart ranking siam nana tehna pawimawh a ni.

Taylor Swift hi a album ‘Folklore’ chu Billboard 200 (albums) chart-ah a la No.1 a, he album atanga a lead single ‘Cardigan’ chu Billboard Hot 100 chart top 10-ah a la lang pha bawk a, he album-a a hla dang te pawh Hot 100 chart-ah hian an la lang vek bawk a, hei hian Artist 100 chart ranking-ah a la No.1 tir a ni.

Swift hi Artist 100 chart ranking-a No.1 ni ngun ber niin, a No.1 hun chhung belhkhawm chu kar 40 a tling ta chuah a, Swift dawttu chu Drake (31) niin, The Weeknd (20), Post Malone (14) leh Ariana Grande (13) te top 5-ah an lang bawk. Billboard Artist 100 chart ranking hi 2014 atanga tih tan a ni.

Chart-ah hian Cardi B pawh No.5 a kai thar ve leh a, Megan Thee Stallion pawh No.19 atangin No.6-ah a invawrh a, hei hi an zaidunna ‘WAP’ chet that vang a ni a, he hla hi Billboard Hot 100 chart No.1-ah a debut a, kar khat chhungin US-ah vawi maktaduai 93 stream hman niin, hla an tlangzarh karah stream nasat ber record a siam nghe nghe a ni.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy