Ghanian mipa naupang Ace Liam chu Guinness World Records-in khawvela artist naupang berah a puang. Liam hian January ni 18 leh ni 20 khan Accra-ah record siamna turin lemziah hrang hrang te chhawp chhuakin, record siamna turin lem a ziak bawk a, May ni 13 khan a record a siam thu Guinness-in an puang ta a ni. Ace Liam hi kum kah leh ni 152 a upa chauh a la ni. A hmaa hetiang record siamtu chu Dante Lamb niin, 2003 khan kum thum mi niin record a siam.
Ace Liam hi a hringtunu Chantelle Eghan chuan mipa naupang danglam tak a nih thu sawiin, thla 6 mi lek a nih lai atangin painting a ti tan tawh niin a sawi a, a fapa chuan lemziah chu a tuipui tak zet ni a sawiin, Ghana First Lady, Her Excellency Rebecca Akufo Addo-in a support that em avangin lawmthu a sawi bawk.
Artist naupang ber Ace Liam
