Daily Newspaper

Arunachal-in Sixth Schedule awm duhin an ngiat

10

Arunachal Pradesh Assembly chuan Centre chu Sixth Schedule of Constitution hnuaia dah tura ngenin chumi tura Article 371(H) siamthaa Aruna-chal indigenous population te rights humhima hma la tura ngen an tum.

He resolution hi Home Minister Bamang Felix chuan kalpuiin Arunachal Pradesh Assembly member tin ten an thlawp vek a ni.

Resolution chuan, “Indigenous mipuite rights humhim a nih theih nan Arunachal Pradesh state chu 6th Schedule of Constitution dah ni rawh se,” tih a ni.

Assembly chuan State tana special provision a awm theih nan Article 371 (H) chu amend ni se, chu mi hmang chuan State chhunga sakhua leh social pratice te chu humhim a ni ang a, customary law leh States tribes, civil administration leh criminal justice tin te customary law leh ram neitu nihna leh hralhna leh resoure te chu humhim a ni dawn a ni tiin an sawi bawk.

Sixth Schedule hi Assam, Meghalaya, Tripura leh Mizoram-a tribal area inenkawl nan bika siam a ni a. Tribal mipui te rights humhim a nih theih nan Autonomous District Council din a ni.

Arunachal Pradesh hian Bhutan, China leh Myanmar te ramri neiin Fifth Schedule a awm a ni thung a ni. Article 371 (h) hi chuan governor leh assembly seat chungchangah special provision a nei thung a.

Chief Minister Pema Khandu chuan Arunachal Pradesh chuan tribe tam tak a nei a, mahse, tribal rights humhim turin dan a nei tha tawk lo a ti a.

“Kan tribal rights leh customary law te humhim nan dan kan nei lo. Kan rights te humhim tura chak taka hma kan lak a hun tawh a ni,” tiin a sawi.

Khandu chuan community based organisations (CBOs) tam ber te chuan consultative meeting neihnaah Sixth Schedule chu Arunachal pumah kalpui an duh niin a sawi bawk a.

Centre hnenah resolution chhawp chhuakin kan MLA tin te leh CBO tin te ngaihdan leh duhdan chu House of Parliament sawiho turin chhawp chhuah a ni ang, tiin Khandu chuan a sawi bawk a. Mahse, hun a duh rei deuh dawn a, a chhan chu thil tihfel ngai tam tak a awm dawn vang a ni a, kan zin kawng zawh tur hi a khirh khawp thung, tiin a sawi bawk.

Deputy Chief Minister Chowna Mein pawhin state chuan Bengal Eastern Frontier Regulation (BEFR) Act of 1873 leh Chin Hill Regulation a nei chungin mipuite humhimna tur dan pawh a neih loh thu a sawi a. BEFR Act hian India khua leh tui tute pawh Inner Line Permit tel lovin Arunachal Pradesh luh a khap a ni.

Mein chuan Article 371 (H) chuan Arunachal Pradesh tribal rights humhim a tiam lo tia sawiin hei vang hian amend ngai a ni tiin a sawi a.

Nagaland leh Mizoram te chuan Article 371(A) leh (G) nei thungin heng dan te hian tribal rights humhimna provision a nei thung, tiin a sawi bawk.

Felix chuan state chuan Fifth Schedule of Constitution hnuaiah humhimna a neih rualin Sixth Schedule angin indigenous community te tana special rights a nei ve lo tiin a sawi bawk a.

Statehood Act of 1987 chuan Arunachal Pradesh chu Article 371(H) pein hei hian Mizoram te ang Article 371(G) hnuaia awm te angin indigenous community of the State te rights a hum ve lo, tiin Felix chuan a sawi a. Hei vang hian Sixth Schedule hnuaiah Arunachal Pradesh chu dah ngei tura Centre an ngen tur thu a sawi bawk a.

Article 371(H) chuan Arunachal Pradesh tan special provision a pe chungin State mipuite humhimna a pe lo va, indigenous mipuite special rights a pe hek lo, tiin a sawi bawk.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy