Senior Aam Aadmi Party (AAP) leader leh Rajya Sabha MP Sanjay Singh chuan Delhi Chief Minister Arvind Kejriwal an Tihar Jail a\anga message a thawnchhuah pholanna neiin chutah chuan “Ka hming chu Arvind Kejriwal a ni a, firfiak ka ni lo” a ti. Kejriwal chuan lung in a\angin ram mipui, Delhi mipuite unau anga a ente tan a thawnchhuak a ni.
Singh chuan press conference a neihnaah BJP leh Prime Minister Narendra Modi chuan Kejriwal chu firfiak anga cheibawlin a chhungte leh Punjab Chief Minister Bhagwant Mann te nen darthlalang chhanah a inbiaktir tiin a sawi.
Darkar 24 CCTV surveillance nen enthlak reng a ni a. Modi hian Kejriwal chu a rilru tihhnual tumin leh amah leh a chhungte leh party leader te chu tihmualpho a tlawm taka awm tir a tum a ni, tiin Singh chuan a sawi bawk a.
“Prime Minister hnena ka sawi duh chu Arvind Kejriwal hi mi khauh a ni. Ram tana thawh duhin IRS hna kalsan nghat a ni a. Principle chungchangah chuan ni 49 lek sorkar pawh a \hiat ngam ngat a ni. Arvind Kejriwal tihchhiat i tum chuan Kejriwal chu a hma aia khauh zawka awmin a bei zui zel ang che” tiin a sawi.
Senior AAP leader chuan Mann an lung in a Kejriwal a hmuh hnuah an enkawl dan a hriatin a mittui a tla a ni, AAP chuan Kejriwal enkawl dan chu kan dem takzet a ti bawk a.
“An chet dan hi Hitlerism a ni a, dictator te chet dan ang chiahin Kejriwal chu tihchhiat an tum a, mahse, a tlawm emaw kun hniam hauh lovang. Kejriwal chuan a bei zel ang a, Delhi mipui te tan a bei chhunzawm zel ang” tiin Singh chuan a sawi bawk.
Kar kalta khan AAP te chuan Kejriwal chu tuma tlawh phalsak lova dahin a awm a, amah hmu tur an remtih an awm pawhin glass wall chhanah zel an hmuh tir an ti a. Singh chuan Tihar-a tangte chu anmahni tlawhtute nena an inhmuh an remtih laiin Kejriwal chu an remti ve lo a ti bawk.
A hma pawhin AAP te chuan Kejriwal chuan zunthlum a nei a, lung in a tan chhungin a sugar level a inthlak danglam nasa an ti bawk a. Court pawhin Kejriwal chu ina siam chaw a ei a remtihsak bawk.
Nimin lawkah AAP te chuan Kejriwal chuan kar tinin Delhi sorkara minister pahnihte chu meeting a neihpui ziah ang an ti bawk.
Kejriwal hi Enforcement Directorate tena money laundering case ah an man hnuah judicial custody-a dahin a awm mek a ni.
Arvind Kejriwal hi firfiak a ni lo
