Daily Newspaper

Ashok Gehlot an Governor sawisel na hle

7

Rajasthan Chief Minister Ashok Gehlot chuan Governor Kalraj Mishra chu ‘chunglam atanga nawrna’ avanga assembly session koh duh lovah a puh.

“Nizanah session ko turin ka ngen a, zan khua in kan nghak a, chhanna kan dawng lo. Eng thil fakau in nge hetiang thil awlsam tak ti thei lova siam le” tiin Chief Minister chuan a sawi bawk.

“Majority kan nei a, Thawhtan atangin session neih kan duh a, chutah chuan a chiang kuar mai ang” tiin a sawi bawk.

Gehlot chuan Governor chu phone pawhin assembly session khawmuang lova ko tura a ngen thu a sawi a. “Kan MLA tinte chu a huhovin ngenna kan siam ang. Rajasthan mipui te kan lam tang an ni a. Mipui in Raj Bhawan an hual a nih chuan mawh kan phur lovang” tiin Chief Minister chuan a sawi bawk.
“Governor hnenah hian session ko turin ka ngen nawn leh a. A chhia tha hriatna zuiin leh constitutional post chelh tu a nih angin chet a la tur a ni” tiin a sawi bawk.

Chief Minister chuan Congress MLA rual te chu Sachin Pilot leh a ho tena an tlantauhsan hnuah Governor hmu tura hruai a tum thu a sawi a. hetihlai hian High Court chuan Sachin Pilot te chu a la chhan rih a, disqualify theih rih loh a la ti a ni.

Chief Minister Ashok Gehlot chuan a hma in Governor lo hmu tawhin majaority neiin MLA a ngah tawk thu a lo hrilh tawh bawk a, tun hnaia Rajasthan politics buai hnuah Governor tum thum a hmu tawh a ni.

Hetihlai hian Rajasthan High Court chuan Speaker in Sachin Pilot leh amah thlawptu MLA te disqualify a tumnaah ‘status quo’ la kalpui rih turin a ti thung.
Chu mi awmzia chu Speaker chuan court in thutlukna a siam hma chuan MLA te a disqualify thei tih lo tihna a ni a, karleh thawhtanah Supreme Court in a ngaihtuah thung ang.

Chief Minister chuan MLA tlantau thenkhatte chuan let leh an duh thu a sawi a. “Rebel MLA te hian min bia a, zalena awm an duh thu min hrilh a. Mahse, bouner leh police ten an veng reng a, an phone te pawh chhuhsak an ni tawh” tiin a sawi bawk a. “Heng te hi BJP phiarrukna vek a ni a, Karnataka leh madhya Pradesh-a an chetdan ang zel a ni” tiin a sawi bawk.

Congress ten Opposition te aiin MLA an nei tam zawk hret a, Rajasthan Assembly member 200 awmnaa majority nei tura 101 ngaiah pahnihin an khum chauh a. Sachin Pilot lam chuan MLA 19 neiin BJP in 72 an nei thung a. Party tenau leh independent te nen opposition te hian MLA 97 an nei thung.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy