Daily Newspaper

Assam-ah Covid-19 avanga nunna chan a let thumin an pung tawh

29

Coronavirus avanga Assam-a nunna chan chu karhnih chhungin a let thumin an pung a, recovery rate pawh a insawn nasa bawk.

July 1 khan natna lo nei sa emaw nei sa lo emaw virus kai mi 12 nunna chan an awm a, July 14 ah meuh chan nunna chan 46 an tling tawh a ni. Nunna chan tam berte hi Guwahati chhunga mite niin he khawpuiah hian virus kai mi 8,300 chuang an awm mek a ni.

Assam pumah virus kai 18,666 an awm tawh a, heng zinga 45% zet chu Guwahati chunga chengte an ni a. Guwahati hi kar thum chhung lockdown in a awm mek a ni.

A lawmawm lamah recovery rate chu 64.1% atangin 65.2% ah a pung thung a, hei pawh hi kar kaltaa 68% ai chuan a hniam bawk.

Health Minister Himanta Biswa Sarma chuan July 19 a lockdown tawp hmain thil awm dan enfiah phawta boruak a zira lockdown phelh emaw kalpui zel tur a nih tur thu a sawi.

Hetihlai hian Gauhati Medical College and Hospital a doctor te chuan damlo pahnih plasm therapy pek mek te chu an vil reng bawk.

“An taksaa oxygen saturation level chuan hma a sawn a, mahse, duhthusam hnuai lam a la ni,” tiin sorkar thuchhuak chuan a sawi a. Heng enchhin mek tena an thatpui a nih chuan State sorkar chuan plasma donation campaign a kalpui tur thu sawi a ni bawk a. Plasma hi covid-19 kaia dam tawh ten an pe thei a ni.

Assam Health Department chuan test 5,75,867 an kalpui tawh a, laboratory 13 ah heng test te hi kalpui a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy