Daily Newspaper

ASSAM CM HNENA LEHKHATHAWN

27

To

Mr Himanta Biswa Sarma
The Hon’ble Chief Minister,
Government of Assam, Guwahati

Subj : Hmalakna ngaihtuah nawna ti tawp tura ngenna

Ka pu,
I kaihhruai sorkar tluang taka a kal zel ka duhin i khua leh tuite tan pawh tha taka ro i rel zel theih nan duhsakna ka hlan a che.

Heng a hnuaia Point ka han tarlan hmang hian i hnenah ngenna ka han thlen a, khawngaih taka min lo ngaih pawimawh sak turin ka ngen a che a, i thei ta lo a nih pawhin ka dem hran lo vang che, mahse i thei lo a nih pawh a, sawhkhawk (Repurcution) a lo nei anih paw’n i pawm thiam ka beisei thung ang e.

1. Mizoram hi India ram kan ni ngai lo va, chuvangin Bristish ho chuan kan rawn luh lohna turin ramri min kham sak a, 1875, Mizo Lal Suakpuilala te leh Bristish chuan inremna neiin Sa-ui an tan a, chu an Sa-ui tanna boundary chu tuna Dholai lui bulah hian a ni. Hei chiah hi Mizo te hriatpui ramri a ni tih i hriat ka duh.

2. Kum 1933-ah Assam ramri chu British ten an siam a ni a, hei pawh hi siam a nih laiin Mizoram hi India rama kan la awm loh avangin Assam ramri a ni mai, Mizoram pawmna pakhatmah a awm lo, chuvangin he ramri hi Assam leh Mizoram ramri a ni tih sawi theih a ni lo. Mizoram chu Bristist term-ah chuan Excluded area kan la zawk a ni.

3, Kum 1950-ah khan India chu Republic State a lo ni a, khata tang khan Mizoram chu Part of India a ni. Mizoram pawh chu Assam hnuaiah District Council niin kum 1953-ah dah luh a ni ve chauh tih i hriat ka beisei, tin chutih lai chuan tuna Inner line Forest reserved 507 Sq Km hi Mizoram chana dah a nih avangin Tax pawh Mizo District Council-ah chhun luh a ni a, Assam sorkar chuan lo viltu a nih manah 30% a chang ve chauh a, hei hi a dikin i duh chuan a Doument/memo pawh zawn hmuh theihin a la awm ang.

4. Tin, Inner Line chungchang hi han sawi lang leh ila, Inner line hi englai mahin District Council emaw, UT emaw, State emaw Boundary a ni ngai lo va, British hoten Assam lam rawn pelh loh tur leh Mizo lam tena kan pelh loh tur chin sawina a ni, hei hi boundary thu a ni lo va Security thu lam zawk a ni e. Tin, Inner line hi kan sawi dawn chuan a bul tanna lam kan sawi chian a ngai a, Assam inner line chu Dholai bulah tan tur a ni ang, a chhan chu nangmahni lam zawk Mizo teritory a luh lohna tura siam a ni a, keini tan chuan Outer line a ni.

5. Kum 1971-ah Mizo mipui rawnna awm lo bawkin Boundary hi rin that a ni a, NEARA act tiin, chutah pawh chuan Bristist hun laia Mizoram tam tak chu Assam-ah dah luh a ni a, chu chu MNF leh India sorkar inremnaah khan pawmtir an ni a, Nimahsela he ramri 1971 hi kan pawm ngai lo va, Mizoram mipuite tawrhna nasa tak avang leh remna leh muanna duh avangin Assam-in mizoram chu hlepah in lo la lut mai chauh a ni.

Chuvangin heng ka han tarlan te hmang hian Assam hian Mizoram ramri hi a nekin buaina vawi tam tak siam a ni tawh a, mahse Mizo mipuite chuan kan pawm ngai lo vang. Tuna kan sorkar hi in ngam a in ti a nih paw’n, |hangtharte Sorkar (New Generation Goverment) Pathiana rinna nghat tlattute an lo lan a, ramri dik humhim tur leh, kan thlahtute atanga kan ram hi midang tan ni lova, a ma mite ngei tana dikna hlen chhuak tura hma a rawn lak a, a dikna leh chanvo a rawn zawn let ve hunah chuan in lo hrethiam dawn nia. Engtik niah emaw chuan tuna in thiltih hi a repurcusion chu a rawn thlen ngei dawn a, chutiang a lo thleng nih paw’n in hrethiam ve thung dawn nia.

In thiltum lang reng nia lang Karimganj, Hailakandi, Cachar ditrsict te, Bangladeshi tamna District Council pakhat hnuaia dah a, UT/State nih tira Bangladesh atanga lokal Muslim infiltrators Pocket siama Assam Politics ball-a hmanruaa in hmanna nia lang hi kan hmu lawk a, in duh chuan ti ula, Mizoram erawh rawn ei hek tel kher lo turin kan hriattir lawk che a ni. Hetiang hre reng chunga Mizo mipuite security tichhe thei tura hmalakna leh duanchhuah (designed ) a nih chuan Mizo thalaite chuan kan ram leh kan hnam himna tura kan tih tur kan tih ve hun a lo la thleng ang, mahse min lo hre thiam hram dawn nia.

If peace is not established for better, safer and stronger Mizoram, it will be built and shall prevail.

Sd
(ROSIAMNGHETA)
Councillor
Aizawl Municipal Corporation
Date : 19.7.21

Copy to :
1. Chief Minister, Goverment of Mizoram, for Your kind perusal.

2. President, BJP, Assam, for Your kind perusal

3. President, Pradesh Congress Committee, Assam, for Your kind perusal

4. President, MPCC/ZPM/MNF party, Mizoram, for Your kind perusal

5. The President, Central YMA/ MHIP/ MUP/MZP/MSU, Mizoram, for Your kind perusal.

6. The President, Mizoram Journalist Association (MJA). Mizoram, for Your kind perusal.

(He lehkhathawn ziaktu Pu Rosiamngheta hian Sap tawngin a ziak a, tuna kan rawn tihchhuah hi amah vekina Mizo Mizo tawnga a lehlin a ni. – Editor)

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy