Daily Newspaper

Assam CM-in Amnesty-te hrem turin Centre ngen

19

Assam Chief Minister Himanta Biswa Sarma chuan Centre hnenah Amnesty International-te chu Pegasus ‘conspiracy’ ah an inrawlh avanga India rama an awm khap tura a ngen tur thu a sawi.

Tun hma pawhin Amnesty international te dan kalha an inrawlhna tam tak hriat a ni tawh a, mahse, tun hnaiah he pawl hian India democratic fabric tihchhiat an duhzia hailan chian zual a ni tiin a sawi.

“Amnestry international te hi Pegasus conspiracy-ah tlang takin an inrawlh a. Khawvel hmun tina left-wing pawl hrang hrangte he conspiracy-ah hian an inrawlh a ni. India rama an awm remti lo turin Centre hnenah ngenna ka thlen ang” tiin Dr.Sarma chuan a sawi.

“Amnestry International-te thiltih leh chetdan kan hre vek a. India rama left-wing firfiakte fuihpawrhtu an ni. India tihhmingchhiat tuma thawkte an ni a. Pegasus pawh hi Prime Minister Narendra Modi leh Indian parliamentary system tihhmingchhiat tumna leh mipuite lawm lova siamna tura phiarrukna a ni” tiin Sarma chuan a sawi bawk.

Chief Minister Sarma chuan public domain-ah mi tam tak hming phochhuahin a awm tawh a, tute mahin an phone chu forensic examination atan an la pe phal chuang lo tiin a sawi bawk.

“Congress leader Rahul Gandhi hming pawh list ah a tel a. A handset nen FIR thehluta forensic test kalpui mai theih a ni a. Ti sela chuan a phone chu hack a nih leh nih loh a hriat mai dawn a. Mahse, a phone a tihbo thu a sawi a, eng nge a awmzia?” tiin Dr. Sarma chuan a sawi bawk.

Congress-te chu phone-tapping uar an nih thu sawiin, “Kum 2013 khan RTI application chhannaah UPA sorkar khan phone 5,000 chuang leh email 500 chuang enthlak a nih thu an sawi a ni” tiin a sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy