Assam Dy Speaker-in Kolasib tlawh
Inrinni khan Assam deputy speaker Dr Numal Momin chuan Kolasib district a tlawh a, Mizoramin hmarchhak state dangte ruala hma a sawn theih nan Mizoram mipuite chu Modi-a kaihhruai sorkar nen an thawhho thiam a ngai tiin a sawi.
Mizoram BJP thuchhuaha a lan danin, Mizoram mipuite chu BJP-a tel turin a sawm a, Membership Enrolment Drive neih mekah Mizoram District Prabhari atana ruat a nih angin, Mizoram District hrang hrang Siaha, Lawngtlai, Lunglei, Champhai, Aizawl, Kolasib, leh CADC te a tlawh chhuak tawh a, Mizoram mipui hian a taka hmasawnna an chan theihna turin, BJP chungchanga kan ngaihdan dik lo hi kan thlak a ngai a, Central BJP sorkar, Pu Modia kaihhruai hi kan thawhpui a ngai a ni a ti.
“Dr Momin chuan Mizoramin kawng \ha kan neih theih nan te, zirna \ha kan neih theih nan te, hriselna kawnga hma kan sawn theih nan te, power lama kan intodelh theih nan te BJP hi a pawimawh hle a, tun dinhmunah hian Mizoram chuan politics kawng hi a bo a ni. Mizoram hian hmar chhak state dangte ruala hmasawnna kawnga ke a pen theih nan BJP thawhpui turin mipuite hi kan inbuatsaih ran a ngai a ni a ti,” BJP thuchhuah chuan a ti.
“Dr Momin chuan harsatna an tawhna \hin thlai thar hralh chungchangah pawh Pu Modi sorkar chuan Farmers Producer Organization ( FPOs) 10000 (Singkhat) dinin, hei hi lo neitute ham\hatna tur atana din niin, state tam takah loneituten harsatna tam tak an su kiang tawh a ni. Chutiang chiah chuan Mizoramama loneitute hmasawnna atan leh an thlai thar hralhna kawnga an buai lohna turin FPO hi a taka hman a ngai a. Tun dinhmunah Mizoramah hian FPO 30 vel awm hi sum hmuh nana hmang an awm niin a lang a. FPO a nihna ang tura din leh hnathawk pakhat mah an awm lo niin a lang a, state sorkar pawhin FPO hi a en liam mai mai ni a lang a ni a ti,” BJP thuchhuah chuan a ti bawk.
Assam Dy Speaker-in Kolasib tlawh
