Daily Newspaper

Assam Finance Minister Sarma lawm thawkhat tawh

9

Assam Health Minister leh Northeast-a BJP chhuantawlawl Himanta Biswa Sarma chuan nakum state assembly inthlanah a chuh loh mai theiha ngaih theih turin thu a sawi.

Guwahati-a thusawina a neihah ‘mipui tena private hospital aia sorkar hospital an thlan zawk hunah a puanthuah tela public life neih chhunzawm a tum loh thu’ a lo sawi tawh a sawi nawn a, chu chu pandemic laiin ‘hmuh theihin a lang ta a ni’ tiin a sawi bawk.

Kum 2006 atangin kum khat tih lohah chuan health department nen insi rengin kan awm a, kum 14 dawn lai chu kan inhnaihchilh tawh a ni. ICU din harsatzia kan hria a, mi hnathawk tura tih leh staff appointment siam harsatzia kan hria. Mipui ten private nursing home aia Guwahati Medical College and Hospital (GMCH) an thlan hun ka nghakhlel thin a. Chu hun a thlen hunah ka public life chawlhsan ka duh thin. Covid-19 in thil a thlak danglam ta a ni, tiin Sarma chuan a sawi.

Covid-19 beihletna kawnga health workforce tihchak nana National Health Mission hnuaia staff nurse 1,000 leh Department of Health, Government of Assam hnuaia ICU tehcnician 219 appointment letter semnaah Sarma hian thusawina a nei a.

“Tun hnai ni 45 chhungin,mite hnen atangin phone call tam tak dawngin an chhungkaw mi an damloh avanga GMCH a cabin duh an ni a. Cabin tin luahkhah a ni tih pawhin general ward-ah tal an la ti a ni. Private nursing home te pan mai tura ka tihna chu an hnawl a. Kum 2006 a ka suangtuahna kha tun hnai thlakhat kalta khan a hlawhtlinna ka hmu ta a ni,” tiin Sarma chuan a sawi bawk.

Thla kalta khan Sarma chuan nakum Assam inthlanna neih hunah a inhnamhnawih loh mai theih thu a lo sawi tawh bawk.

Sarma hi a hma chuan Congress mi leh sa niin kum 2015 khan a ho thenkhatte nen BJP an luhsan a, Assam-a BJP chakna leh Northeast a BJP hmun hrang hranga an chaknaa sulsutu bera ngaih a ni.

BJP tena Northeast a Congress ni lo party dang a huikhawmna Northeast Democratic Alliance (NEDA chairman ni lai mek a ni bawk.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy