Assam Regiment-a tang tur
Mizo thalai an rawn zawng
Tunhnaia Sports & Youth Services minister Pu Lalnghinglova Hmar leh Assam Regimental Centre Shillong commandant Brig. Vikas Rai Shandilya inbiakna kalzelah Aizawl Territorial Army company chuan Pathianni khan Lammual-ah pre-recruitment screening an kalpui.
Screening-ah hian Assam Regimental Centre (ARC) atanga shortlisted candidate an neih infiammi 25 an tel a, ‘Aizawl International Half Marathon 2025’ a tlan tha bikte pawh an tel. An document leh hriselna endik bakah infuihna leh hriat tur tul inhrilh a ni a. Hei hi August 11 atanga Shillong-a Assam Regiment lak tur atan inpuahchahna a ni nghal.
ARC commandant hi tunhnaia Aizawla a rawn zin tumin Youth Services minister nen hian an inkawm a. Assam Regiment-a Mizoram-in quota engemawzat a neih hman tangkai a nih tawk loh dan an sawidun. A bikin sports quota-a Mizoram atanga thalai thahnem zawk sipaia an luh dan tur an ruahman a. Boys Sports Company, ARC Shillong-a Mizo naupang an luh dan tur an sawi bawk.
Minister leh Assam Regiment hotu inbiakna bawhzui hian Sports & Youth Services department leh Mizoram State Sports Council kaltlangin Mizorama sports association hrang hrang chu infiammi, sipaia tang theite zawng chhuaka an hming thehlut tura ngen leh hriattir an ni tawh a ni.
Assam Regiment-a tang turMizo thalai an rawn zawng
