Daily Newspaper

Assam sipai kahhliamin that lam pan

8

2021 July 26 tlaia Vairengte daia Assam police-in an kah hliam Vairengte tlangval chu a dinhmunin that lam a pan zel niin doctor-ten an sawi.

Doctor-te sawi danin, PC Lalmuansanga (20), Vairengte hi kah hliam a nih veleh rang takin Vairengte PHC-ah hruai nghal a ni a, a hliam a lo nasat deuh vangin Kolasib District Hospital-ah hruai a ni a, hemi zan la la hian Kolasib District Hospital-ah zai a ni. Silaimu hi a malpui dinglamah lutin a malpui vei lamah a tlang a, silaimu hi a tang a ni. A malpui ding lamah hian thisen zam pawimawh (femoral artery) kahchhiat a ni a, hei hi siamthat a ni. Kah hliam a nih hian thisen a hloh hnem avangin thisen unit 8 pek a ni. A hliam hi enkawl zui ngai nia hriat a nih vangin Civil Hospital Aizawl-ah July 27 khan lak a ni a, Health & Family Welfare Board vice chairman Dr ZR Thiamsanga hoin senior doctor-te an inrawnkhawm a, phai lam centre liana vascular surgeon 3 rawn bawkin uluk takin enkawl dan tur an sawi ho a ni.

July 30 khan Team of Surgeon, doctor pathumna awmna dinin an ni hian a malpui dinglam chu zai hawng lehin silaimu in a tihchhiat femoral artery hnawhtu thisen khang hlawm an la chhhuak a, damdawi hmanga an thuahfai hnuah uluk takin an khawih leh a ni. Hetia an khawih hnu hian a hmaa thisen khangin a hnawh vanga a malpuia marphu awm tawh lo chu tha takin a awm leh ta a, damlo pawh hi a thatchhuah leh thuai an beisei a ni. A malpui vei lama silaimu tang pawh hi lakchhuah nghal a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy