Daily Newspaper

Assembly thutkhawm tan

27

Ni thum chhung awh tur Mizoram Legislative Assembly 8-na thutkhawm vawi 6-na chu Thawhlehni khan speaker Lalrinliana Sailo kaihhruaiin neih tan a ni.

A ni hmasa berah hian legislator hlui boral ta mi paruk sun a ni a. Sun an thathnem deuh avang hian hun hman a rei a, zawhna leh chhanna hun hman a ni meuh loa, zawhna pakhat chiah lak hman a ni.

Tun tum thutkhawmah hian House-ah Bill paruk pharha sawi ho a ni dawn a, chu’ng zingah chuan MLA hlawh, hamthatna leh an pension chungchang; GST lak dan siamremna Covid-19 darh zel tur venna dan siam chungchang te a tel.

Thawhlehni thutkhawmah hian deputy chief minister Tawnluia chuan 28th Annual Report 2018-2019 of the Mizoram Public Service Commission chu House-ah a pharh a; minister Robert Romawia Royte chuan The Mizoram Responsible Tourism Policy leh The Mizoram (Registration of Tourism Trade) Rules, 2020 a pharh bawk.

Minister Dr R. Lalthangliana chuan The Mizoram (Containment and Prevention of Covid-19) Ordinance 2020 leh The Mizoram (Containment and Prevention of Covid-19(Amendment) Ordinance 2020 chu House-ah a pharh a; The Mizoram (Containment and Prevention of the Spread of Covid-19) Bill 2020 chu speaker remtihnain House-ah a pharh a, he Bill hi House member-ten an sawi ho hnuah House hian lungrual takin a pass a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy