Daily Newspaper

Assist ngah ber De Bruyne

30

Manchester City midfielder Kevin de Bruyne chuan tun season Premier League zawh fel t^kah khan a thiante goal thun tur vawi 20 a siamsak tling a, English top flight season khat chhunga assist ngahber record kawltu Thierry Henry a tluk ve ta chiah a ni.

De Bruyne hian tun season-ah City tan game 32-ah bul a tan a, substitute niin match thum a khel bawk. A hm^ zawnga assist ngah ber ni reng thin Arsenal legend Henry khan a record siam kum 2002-03 kh^n game 37 zet starting line up a chang ve thung.

Kumina thiante goal thun tur siamsak hnember Belgian hi kum 29 mi niin, Pathiannia 5-0 ngawta Norwich an sawp tum khan Raheem Sterling-a goal tur a siamsak a, Henry record ropui a nihrualpui ve ta chiah a ni.

De Bruyne chuan record siam piahlama Henry record nihrualpui chu fuh tak a nih thu sawi chungin “Assist siamchhuak turin ka team-mate-te ka mamawh a, hun remchang chu ka siamsak thei ngei mai a, an thun loh si chuan engtihna mah a ni lo.

“Ka hna chu ka theih anga tam chance siamchhuah a ni a, goal bula team tanpui ni bawkin, ka chhawpsak hmanga goal an thun hi ka beisei thin chu a ni a, vawi tamtak ka ball chhawpsak hmanga goal an tihluh thin avangin ka hlim hle a ni,” a ti.

Tunhma lama De Bruyne assist siamchhuah hnember tum chu 2016-17 season-a vawi 18 a neih kha niin, tun thlenga Premier League game 154 a khelh tawhah belhkhawmin assist vawi 66 a nei tling tawh a ni.

Premier League-a assist siamchhuak hnem list-ah 15-na niin, kum 1992 atanga chhiar tan he list-ah hian assist vawi 162 nei tling Manchester United legend Ryan Giggs chu hmahruaitu a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy