Daily Newspaper

Atletico Madrid 1-1 Bayern Munich

9

Hun pangngai tawp hma minute li chiah awm tawha substitute Tho-mas Muller-a penalty chhuihluhin Atletico point thum hlawhchhuah tur a danbeh tak avangin Spanish club-in Cham-pions League Group A atanga knock out stage an luh hun tur a khawtlai leh ta rih a, tlang turin an group game hnu-hnungbera Red Bull Salzburg an luhkhung hunah an tlawm loh a ngai dawn.

Chaka last 16 lut ve thei tawh tur Madrid club tan Thawhlehni zan inkhelah Joao Felix chuan darkar chanve an khelh tlin hmain goal hmahruai a tilut mai a, he goal hi chakpui mai thei tawh tura an lan laiin Muller chuan an team nem zawk nena inlan Bayern tlawm tur chhanna penalty chu Felipe lakah a hlawh-chhuak a, last 16 lut chiang tawh chunga inlan German champion kum-hlunin an mamawh aia tam point an thawh-chhuah belh zel a, Europe bika game 15 an chakzawnna kal mek erawh an chhawmnung zo ta em em bik lo!

Bundesliga lama hmahruaitu ni leh mek Bayern khan khelh nga atanga point 12 hmu-chhuak chungin Cham-pion League Group A hmahruaitu nih hlenna ticket an hum fel tawh a, chutiang dinhmuna ding an nih tawh avang-in kartawp German top flight-a RB Leipzig an hmachhawn tur atan coach Hansi Flick chuan a star player engemawzat a chawlh-hahdamtir a, chuti chung pawhin an chhuahvahna Spain lei-lungah an tlawm duh chuang lo a, point khat hmuh bel chungin an group-a an chungnunna an belhchhah.

Goalkeeper Manuel Neuer, midfielder Leon Goretzka leh a rah chin apianga a ram tih ang mihring striker Robert Lewandowski-te’n Spain an thlawklut ve ta lo a, Serge Gnabry leh Muller-te pawh bench atangin rei ngial hnuah an lut ve chauh a, chuti chungin naupang rual kawikhawm chunga fehchhuak Flick-a team chuan La Liga team khawng kumkhua Atleti mualah tlawm an pum-pelh a, Chelsea acade-my player hlui pahnih Bright Arrey-Mbi leh Jamal Musiala telna Bundesliga giants khan an aia tawnhriat ngah Atletico team lakah chak loh an tum lo.

September thlaa 8-0 terhenga Schalke an sawp tuma Bayern tana goal khung thei nau-pangber ni thar, thla hmasa maia kum 17 mi lek ni chunga England Under-21 debut nghak-chhuak Musiala chuan Madrid khelmualah goal khung zo lo mah se hmalam hun nei eng tak a ni tih a lantir leh thei.

Diego Simeone-a team Atletico Madrid tan tun kha a zawna vawithum ngawt draw result an kalpuina ni tawhin, Group A lam-ah point ruk nen pa-hnihna an luah a, point li nei chunga pathumna luahtu Salzburg muala tlawm an pumpelh theih hrim hrim chuan an tlang tho ang.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy