Site icon The Aizawl Post

Auckland-ah ruahsur nasa vangin harsatna tawk nasa

Auckland chuan ruahsur nasa tak tawng mekin record awm china ruahtui a dawn hnem ber tawng mek in he mi kaihhnawihah hian mi pali in nunna an chan tawh a, ruahsur nasa a la dawng zui zel tura ngaih a ni bawk.

Mi 350 chuangin tawmhulna an mamawh niin New Zealand prime minister Chris Hipkins chuan a sawi a. Ruah a sur nasat avangin chhiatna nasa tak a thleng, tiin a sawi a.
New Zealand PM thar chuan ruahsur nasa chuan chhiatna a thlen nasat thu sawiin tualchung mi tena tuilian a thlen khat em avanga ngaihthah lutuk tia an puhna pawh a hriatthiam thu a sawi bawk a.

Kar kalta Zirtawpni a\ang khan Aucland hian ruahsur nasa tak tawngin tun ang renga ruahsur nasa hi a la tawng ngai lo va, tuilian nasa zawk a la thlen zui zel hlauhna a lian hle.

National Institute of Water and Atmospheric Research (NIWA) chuan kar kalta Zirtawpni kha record awm chin ata Auckland hmun tam taka khaw hnawn ber tum tiin an sawi a.

Ruahsur nasain tuilian a thlen avangin kawngpuiah pawh kawng chin tui dai ngai niin chenna in thenkhat tuilian hian a la bawk a, supermarket te chu tuilianin a chim buai hle a ni.
Auckland airport pawh tuilian in a khawih buai nasat avangin khar a ni zet a, mahse, hawn a ni leh tawh thung.

Exit mobile version