Daily Newspaper

Audi RS7 Sportback


2020 Audi RS7 Sportback chu India-ah an tlangzarh ta a, Delhi showroom-ah cheng vaibelchhe 1.94 man a ni a, Rs 10,00,000-in booking a tih theih a, August thla atangin an hralh chhuak tan ang. He Sportback hi CBU (remkhawm sa) a lakluh a ni a, Indian market-ah chuan BMW M5 leh Mercedes-AMG E63 S te a rawn el dawn a ni.

Audi RS7 Sportback hian 4.0-litre twin-turbo V8 engine neiin, 591 bhp leh 800 Nm torque pechhuak thei a ni a, 8-speed automatic transmission neiin, quattro all-wheel-drive system a nei a, second 3.6 chhungin 0-100 kmph a chakin a tlan hman a, a top speed chu 250 kmph a ni.

Hetihrual hian 48V mild-hybrid system leh Cylinder-On-Demand (COD) technology neiin, hei hian a tichak lehzual thei a, a top speed pawh 280 kmph-ah a tisang thei a, Dynamic package-ah phei chuan 305 kmph thlengin a tisang thei bawk. Adaptive suspension neiin, drive mode chi hrang hrang a nei a, a speed hi 100 kmph chunglamah chuan a rear spoiler ama tawkin a lo tikâng mai dawn a ni.
A hmalamah LED Matrix headlight neiin, black-out grille leh air intake lian tha tak a nei a, a hnunglamah singke-piece brake light neiin, exhaust tip lian tha tak a nei a, diffuser a nei nghal bawk. 21-inch alloy wheels a hmang a, 22-inch pawh vuah theih a ni.

A chhunglamah a steering wheel chu Alcantara savun a tuam a ni a, Nappa leather upholstery, RS sports seats, Head-up Display, aluminium paddle shifters, panoramic sunroof te pawh a nei a, Virtual Cockpit instrument console neiin, 750-watt Bang & Olufsen 16-speaker audio system a nei bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy