AUKUS leh nuclear-powered submarine

US, UK leh Asutralia te chuan Indo-Pacific region-a China lian zel tur chhan letna tura nuclear-powered submarine siam an tum ruahmanna chu an tlangzarh ta.
Aukus pact hnuaiah hian Australia chuan nuclear-powers subs te a nei thei dawn a, a tir berah US atangin pathum a dawng dawn a ni.
Allies te chuan fleet thar tunlai thiamna changkang ber ber hmanga thuam neih an tum bawk a, chung zingah chuan UK siam Rolls-Royce reactors pawh a tel a ni.
Beijing chuan major naval deal chu ‘remna leh ngelnghehna tichhetu tur’ tiin a sawi ve nghal thung a.
UN-a China mission pawhin Western allies te chu nuclear non-proliferation lama hmalakna tithuanawp zawnga chet la tiin a dem thu a sawi nghal bawk a.
Mahse US President Joe Biden chuan helai region vela remna leh muanna awm theih nana hmalakna a nih thu leh submarine te chu nuclear-armed ni lovin nuclear-powered hmang tur zawk tiin a sawifiah bawk.
UK leh Australian prime ministers – Rishi Sunak leh Anthony Albanese te nena San Diego, California a inhmuhkhawmna an neih hnuah US President Joe Biden chuan inremna ans iam chuan Australia in nuclear-free ram a nihna engmah a khawih buai dawn lo a ti bawk a.
Australia chuan US thawhpuiin military lama theihna sang tak a zawmpui ve mai dawn a ni. UK tihlohah chuan Australia chu Washington nculear propulsion technology hmang tur awm chhun a ni, tiin a sawi.
Inremna ang chuan Australian navy sailor te chu US leh UK submarine base-ah nuclear-powered submarine hman dan zir tura tir luh in an awm dawn a ni.
Kum 2027 atangin US leh UK te chuan Perth, Western Australia ah nuclear submarine base an nei bawk ang a, hei bakah hian Canberra chuan US model Virgin-class submarine pathum a lei bawk ang a, pahnih dang lei belh thei zui tura inremna siam a ni bawk.
Hemi hnu hian UK leh Australia navy tena an pual liau liaua nuclear-powered submarine an siam theihna turin ruahmanna siam a ni ang a, he model hi SSN-AUKUS tia sawi a ni nghe nghe a. Britain leh Australia-ah British design ring a siam niin mahse ram pathum technology a hmang vek thung ang.
President Biden chuan ram pathum te chuan Indi-Pacific region chu inhawng leh zalen taka a awm reng an duhin chumi tur chuan hma an la zel dawn a ti bawk a.
“Tuna thawhhona kan siam hmang hian democracy ram tena venhimna leh hnianghnara keimahni tan chauh ni lo khawvel pum tana kan duhzia a pholang a ni,” tiin a sawi.
Hei bakah hian Biden chuan US submarine construction capacity leh tuna nuclear-powered Virginia-class submarine te thuamthtana turin $ 4.6 billion hman tur tiin a theh chhuak bawk a.
Australia PM pawhin tuna ruahmanna an siamah Canberra chuan Australian dollar 368 billion lai kum 30 chhunga seng dawnin Australia-in a history awm chin tawha defence lama investment a tihlen ber a ni tiin a sawi bawk a.
Anthony Albanese chuan Australian shipyard ngeia submarine siam chuan tualchung mite hna tam tak a siam dawn tiin a sawi bawk.
UK PM pawhin Aukus alliance siam atanga thla 18 chhungin global stability challenge chu nasa takin a pung tiin a sawi bawk a. “Russia-in dan kalhin Ukraine a run a, China a huangtau tial tial bawk a, Iran leh North Korea an pawng tial tial bawk a, hengte hian khawvelah hlauhawm, fel lo leh inthenhranna a thlen thei a ni,” tiin UK prime minister Rishi Sunak chuan a sawi.
United States a tlawhnaah Rishi Sunak chuan an ramin defence lama a sum sen chu kum hnih chungin $6 billion vel laiin a tihpun tawh thu a sawi bawk.
Aukus security alliance hi September 2021-ah puan niin China chuan a helh ngang ngang hle a. Beijing a foreign ministry chuan karkalta pawh khan ralthuam lama intlansiakna thlen tur tiin a sawi a. Mahse, Western ram te chuan Aulus chu Indo-Pacific ralmuanga siam tur an ti ve tlat thung.
Kum 2021 khan Australia chuan Aukus a awm thlang zawkin a hmaa France nena multi-million dollar diesel-powered submarine agreement an siam chu a hnawl a, hei vang hian Paris chu a thinrim hle thung.
Australia chuan China nen diplomatic lamah inbakkaihna a nei bawk a, China hi a sumdawnpui lian ber a ni thung a. Australia-in US nena military lama inzawmna thuk zawk neiha Beijing nena commercial lama inzawmna thuk tak neih tho chu a kalpui reng thei ang em tih chu hunin a hril tur an ti thung.
AUKUS hi China chuan a helh ngat ngat hle thung a. Indo-Pacific a khawthlang ram tangrual tena thuneihna chan an tumna angah a ngai thung a, a lawm loh thu pawh a sawi fo tawh bawk.