Daily Newspaper

Australia-ah Brisbane khawpui lockdown belh

11

Inkaichhawn awlsam zual Delta variant leng nasa avangin Australian maktaduai tel te chu lockdown-in an awm zui zel a.

Thuneitute chuan Queensland ah ni thum chhung snap lockdown an kalpui dawn a, heng zingah hian Australia khawpui lian ber pathumna Brisbane pawh a tel.

Heng hmalaknate hi Covid inkaichhawn nasa mek tihtawp nana ruahmanna niin Australian mipui 15% aia tlem te chauhin vaccine an la chauh bawk.

Queensland officials te chuan hripui kai thar paruk hmuchhuakin heng zingah hian High School zirlai a tel a.

Queensland chief health officer Dr Jeannette Young chuan contact tracing chak taka an kalpui thu leh Brisbane khawpuiah nasa taka hripui chu darh thei a nih thu a sawi a.

“Mi tupawh symptom nei kan awm a nih chuan a rang thei ang bera in test turin kan ngen a ni,” tiin a sawi.

Tuna khuahkhirhna an kalpui mek hi Queensland a khauh ber niin mamawh thil tawp, exercise leh medical treatment la tur chauhin chenna In chhuahsan phal a ni a.

Hetihlai hian Australia a khawpui lian ber Sydney-ah chuan lockdown pawhsei niin 28 August thlenga pawhsei a ni dawn a.

New South Wales state-ah hian hripui kai thar 210 hmuhchhuah belh niin kar nga chhung lockdown an ni tawh bawk a. Lockdown duh lova lungawilohna lantir awm bawkin heng mi te h police te chuan an man zui a ni.

State officials te chuan Sydney khawpui tan vaccine sang tam tak la lutin heng vaccine te hi high school zirlaite hnenah pek hmasak an ni thung dawn a, zirna tha taka kalpui a nih theih nana ruahmanna a ni.

Australia-a vaccine pekchhuah muanah Prime Minister Scott Morrison chuan dem a hlawh hle a. Australian mipui 70% vel vaccine pek an nih hnuah chauh lockdown chu phelh thawl a nih tur thu a sawi a. Kum 2021 kum tawp hmain 70% vaccine an pek hman a beisei thu a sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy