June thla hian Caribbean leh USA lamah Men’s T20 World Cup nghah a ni dawn a, tel tur ramte’n squad an rem fel chhoh mek laiin Australia chuan an captain hlui Steve Smith kha T20 World Cup squad-ah an telh ta lo.
Australia tana T20 international vawi 67-a half century vawinga siam tling tawh Smith hi kumin February thla khan New Zealand lakah a chetha lo a, world cup khel tur zingah a lang pha ta lo a ni.
Kum 34 mi Smith bakah hian promising batter Jake Fraser-McGurk pawh hnawl zingah a tel teh tlat.
All-rounder Mitchell Marsh chu captain tur niin, veteran opening batter David Warner pawh thlan zingah a tel a, international tournament a khelh tawpna tur a nih tawh a rinawm.
Australia 15-man squad-ah hian test captain Pat Cummins, fast bowler Mitchell Starc leh all-rounder Glenn Maxwell-te chu experienced player langsar an ni dawn a, Australia-in 2021 T20 World Cup trophy a lak tuma telte kha an ni.
Australia T20 World Cup squad:
Mitchell Marsh (capt), Ashton Agar, Pat Cummins, Tim David, Nathan Ellis, Cameron Green, Josh Hazlewood, Travis Head, Josh Inglis, Glenn Maxwell, Mitchell Starc, Marcus Stoinis, Matthew Wade, David Warner, Adam Zampa