Polish top seed Iga Swiatek leh American third seed Jessica Pegula-te chuan nimin, Nilaini khan harsatna lian tawk loin an tumpui ve ve chu straight-set hmangin an hneh a, first round an paltlang.
Swiatek hian Co-lombia nula Camila Osario lakah 6-2 6-3 hnehna changin, Pe-gula hian 6-2 7-6 (7-5)-in Belarusian Aliak-sandra Sasnovich a hneh ve bawk.
World number one Swiatek hi women’s title la thei tura rinkai zual zinga mi niin, Melbourne Park-ah pawh mittlung takin a inlan nghal a; Rod Laver Arena chungkhuh hnuaiah khawlum lutuk leh ruahsur tihbuai lohin kum 21 mi Colombian lakah hna hmasa a hlenchhuak.
Kum 2019 Aus Open finalist leh 15th seed ni bawk Petra Kvitova erawh 7-5 6-4-in Ukraine nula Anhe-lina Kalinina chuan a vawtla ve thung.
Ti hian, Czech hi tournament kal laia women’s top-20 seed luah pha zinga tla hmasaber a ni.
Grand Slam semi-finalist tum hnih ni ve tawh Greek sixth seed Maria Sakkari chuan tlawm a pumpelh hram thung a, Australian Open second round inkhel pakhatah set hmasaber hloh zet chungin Russian tlei-rawl Diana Shnaider lakah 3-6 7-5 6-3 hnehna a sualchhuak.
Kum 18 mi Shnaider hi professional huang pawh la dailut lo niin, American college system-a la khawsa a ni a, grand slam-a tawn-hriat nei chau hle chungin Sakkari a barakhaih teuh hle a ni.