Australian Open mipa singles draw thlirna
Naktip, Pathianni atanga khelh tan tur Australian Open men’s draw lamah Italian two-time defending champion Jannik Sinner chuan French world number 94 Hugo Gaston lakah bul a tan dawn.
Second seed Sinner hian final hma chu a elpui lian ber ni mek Carlos Alcaraz a hmachhawn thei dawn lo.
Anni pahnih hi major tournament hnuhnung pathum final-a intum an ni a, tuntum Australian Open mipa singles final-ah pawh hian anni pahnih bawk hi mite hmuh beisei leh ber an ni mek!
Sinner hi draw pangkhing lehlamah 10-time champion Novak Djokovic nen an awmdun a, chu mi awmzia chu last four-ah an intum thei dawn tihna a ni a; hetih lai hian Spanish world number one Alcaraz chuan Australia player Adam Walton lakah bul a tan ve thung ang.
Tualchhung tlangval beiseiawm leh tantu ngah tur Thanasi Kokkinakis chuan Ningani khan Adelaide International-ah a dar a ti na a, an ram tournament lian atangin a inhnukdawk.
Slam 25-na beisei tur Djokovic
Tarlan tawh thin angin, 10-time Australian Open champion Novak Djokovic hi Australian legend Margaret Court-i nen Grand Slam singles title 24 la tling thei awmchhun an ni dun mek a; Melbourne Park-ah hian a champion leh a nih chuan Court kalsanin tennis player piang chhuak tawh zawng zawng zinga major title 25 kawl tling awmchhun a ni tawh ang.
Serb fourth seed hian 71st-ranked Spaniard Pedro Martinez chu first round-ah a tum dawn a, quarter-final a lut a nih chuan fifth seed Italian Lorenzo Musetti nen intum theihna chance neiin, semi-final lamah champ lai Sinner nen an insu thei dawn bawk a, a tlang a nih pawhin final-ah Alcaraz a la awm cheu hmel a, a record ropui siam tumna kalkawng hi a awlsam dawn lo!
Italian Sinner pawh hian a third round match lamah tunlaia thawm rawn nei lian chho mek 28th-seeded Brazilian Joao Fonseca tum theihna chance a nei a; he South American rawlthar kum 19 mi hian a talent neih a phochhuak zauh zauh tawh a, hnungzang na atanga dam fel tawh a nih bawk avangin Sinner tan fimkhur ve hlek a ngai mai thei!
Alcaraz-a kalkawnga home hero Alex de Minaur ding ve thei tur pawh hi draw khing lehlama match ngaihven hlawh ni thei tur zingah a tel a, mahse, Spaniard hmaa ding thei turin Australian sixth seed hian fiahna hmasaah kum 2021 Wimbledon runner-up ni ve ngat tawh Italian Matteo Berrettini a paltlang te te phawt a ngaih hmel.
Briton inlan turte
Australian Open singles draws-ah hian British player pasarih an tel a, Jack Draper erawh ban na avangin a lang ve ta lo.
Inhnukdawk an awm nual avangin world top 100 pawn lama awm mek Katie Boulter chuan main draw-ah hmun a chang a, chetha kal mek Swiss 10th seed Belinda Bencic lakah bul a tan ang.
Briton dang Sonay Kartal chuan first round-ah 31st seed Anna Kalinskaya tumin, Francesca Jones chuan Polish qualifier Linda Klimovicova lakah bul a tan dawn a; 26th seed Cameron Norrie tum hmasakber tur chu France player Benjamin Bonzi niin, Jacob Fearnley leh Poland star Kamil Majchrzak an intum thung ang.
Tuipui rala Grand Slam tournament a hmachhawn vawi khatna turah qualifier Arthur Fery chuan Italian 20th seed Flavio Cobolli lakah fiahna hmasa a hmachhawn dawn a ni.
First-round draw mit la zual
Women’s singles:
[3] Coco Gauff (US) v Kamilla Rakhimova (Uzb)
Olga Danilovic (Srb) v Venus Williams (US)
Donna Vekic (Cro) v [8] Mirra Andreeva
Simona Waltert (Aut) v [4] Amanda Anisimova (US)
Yuan Yue (Chn) v [2] Iga Swiatek (Pol)
Men’s singles:
Matteo Berrettini (Ita) v [6] Alex de Minaur (Aus)
[3] Alexander Zverev (Ger) v Gabriel Diallo (Can)
Laslo Djere (Srb) v Stan Wawrinka (Swi)
Pedro Martinez (Spa) v Novak Djokovic (Srb)