Daily Newspaper

Australian Open tan hun tur nemnghet

7

Kumtharah pawh hripuiin tennis a la tibuai zui zel dawn a, kumkhat chhunga grand slam tournament hmasaber Australian Open chu kum danga an khelh tan hun aia chawlhkar thuma tlaiah an tawlh hla dawn a, nakum February ni 8 atanga khelh tan turin ruahmanna an siam.

Ningani khan ATP Tour chuan kum 2021 atana an calendar duanchhuah pho-chhuakin, season tir lam chawlhkar hmasa pasarih an ennawn a; dan pangngai ang chuan Aus Open tourna-ment main draw hi January 18-31 chhunga khelh zawh tur niin, Tennis Australia leh tualchhung sawrkarin Co-vid-19 vanga hriselna kaih-hnawih chungchang an sawiho hnuah grand slam tournament hmasaber khelh tan hun hi organiser lamin an sawnhla ta a ni.

Melbourne tournament lian atana nili awh men’s qualifying event pawh Qatar khawpui Doha lama khelh turin an rel a, January ni 10 atangin an tan ang.

Kumthara Australian Open khel tur player-te chuan January ni 15-ah Melbourne an tleng hman tur a ni a, tualchhung lamin hripui chungchanga inkaih-hruaina dan an siam zawmin Australia leilung an thlen atanga ni 14 chhung chu an inkhung a ngai dawn a ni.

ATP pawhin kumthara men’s tour tan hun tur tichiang tawhin, January ni 5 khian a rualin Delray Beach, United States leh Antalya, Turkey-ah tournament an khel tan ang.

Australian Open khelh tan hmain Melbourne Park lamah January ni 31 atanga khelh tan turin inbuatsaihna tournament pahnih chhawpchhuah a ni dawn a, pakhat zawk chu Adelaide International niin, team 12 inelna ATP Cup pawh February 1-5 chhunga khelh tura ruahman fel a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy