AVBD president-in vawi 81-na
atan a thlawnin thisen a pe
Association for Voluntary Blood Donation (AVBD) Mizoram president C Lalnunnema chuan Thawhlehni khan a vawi 81-na atan Civil Hospital Aizawlah a thlawnin thisen a pe.
Thisen pek ngai damlo an awm reng avangin thisen pek fo a ngai a. Mi pakhatin thla thum dan zelah kan pek theih avangin, thisen petuten blood donation camp chauhah pek tum loa, thla thum dan zela kan pek theuh chuan damlote mamawh kan phuhruk sak theih ngei a beisei tih C Lalnunnema hian a sawi a. Blood donation camp huaihawttu pawl hrang hrang NGO leh kohhran thalai pawh an member-ten ‘regular’ taka an pek theih dan tur buaipui a tul hle tih a sawi.
“Thisen mamawhtu damlo an pung zel a. Medical science thiamna lo sang zelin Mizoramah pawh cancer natna veite enkawl tur an tam chho ve zel a. Thisen mamawhna pung hian ‘regular’ taka thisen petu mamawhna a siam belh zel a ni,” AVBD president hian a ti.
AVBD president-in vawi 81-na atan a thlawnin thisen a pe
