Award dawngtu Amoii chhuang
Mizoram Art Development Society (MADS) chuan thuchhuah siamin, an member Pi Lalhming Mawii (Amoii) Chaltlang chuan Aizawla sawrkarin International Women’s Day a hmannaah ‘Women’s Award’ a hlan tih a sawi a. He award hi kawng hrang hranga Mizo hmeichhe chhuanawm mi 40 hnenah hlan niin, an member-in a dawng ve chu an chhuangin an lawmpui takzet tih a sawi.
Pi Amoii hian lemziah lama a hlawhtlinna avangin chief minister chawimawina – ‘Nopui’ chu Chapchar Kut 2026 Organising Committee atangin a lo dawng tawh bawk tih sawiin, UNESCO official partner International Association of Art (IAA)- India-in NE ambassador-a an hman mek a ni bawk tih MADS hian a sawi a ni.
Mizo zinga art lama thawh hlawk tak, Art Novelty Gallery Chaltlang dina art zirna kalpui mek, national leh international huap art workshop leh exhibition-a vawi tam tel tawh, lemziak chawimawina hrang hrang a lo dawng tawh a ni tih a sawi bawk.
Award dawngtu Amoii chhuang
