Site icon The Aizawl Post

Awlsam zawka loan lak dan sawi

Sawrkar laipuiin mipui nawlpuiin intunnunna atana awlsam zawka loan an lak theih tur a duan chu Mizo mipui an chhawr theih nan sumdawng pawl leh State Bank hotuten thawh ho an rel.

Mizoram Merchant Association (MIMA) hruaitute chu State Bank of India Regional Office hotute nen an inkawm a. Mi harsa zawk, rinawm si ten an lak theih tur MUDRA loan, quarantor ngai lo, mortgage ngai lo bawk, nuai 10 thleng lak theihna, Prime minister-in mi harsate tana a tihchhuah chu Mizo mipuiin tangkai leh rinawm taka an lak a, an hmanna tur kawng zawndun an rel. MUDRA loan duh sumdawngte chuan SBI hotute emaw MIMA hruaitute emaw hrilh a, loan an lak theihna’n hma inlakpui tawn turin sawi ho a ni.
Pawisa thir chungchang pawh sawi niin, mipui harsatna awm thin sutkianna’n leh mipuiin an hriatthiam theihna’n MIMA, SBI leh bank dangte nen khawlai lunlai deuha ‘mela’ neih nise an ti.

MIMA hruaitute chuan hun kal tawha SBI an duhkhawp lohna hrang hrang an sawi a, tuna an customer-te laka an pianthar tak dante sawiin, mipui dawr chungchangah tha zawka hma la zel turin an ngen. SBI hotute pawhin mipui tana awlsam leh dawr nuam zawka an awmna turin theihtawp chhuah an tum thu an sawi a ni.

Exit mobile version