Bahrain 2nd practice-ah Hamilton chungnung
Pathianni hian season thar Formula One world championship chu Bahrain Grand Prix hmangin an tan tawh dawn a, Ningani second practice-ah Mer-cedes one-two kan hmu a, Lewis Hamilton chuan seconds 0.206-in a team-mate George Russell a hmakhalh chiah chiah a; Aston Martin khalhtu Fernando Alonso chu Mercedes driver pahnih hnaih pha ber a ni.
Season-opening Bahrain Grand Prix-ah hian three-time world champion Max Verstappen bawk chak tura rinkai ni lehin, first practice lamah pawh a rawn langsar leh nghal ngei a, mahse, second practice-ah erawh beisei a pha lo a, parukna daih a luah.
Alonso hnungah Ferrari khalhtu Carlos Sainz chu chak palina niin, McLaren druiver Oscar Piastri a hmakhalh chiah chiah.
Haas driver Nico Hulkenberg chu pasarihnaah thlengin, Aston Martin khalhtu Lance Stroll, Ferrari driver Charles Leclerc leh Red Bull innghahna pakhat zawk Sergio Perez-te chu top 10 luahkimtu an ni.
Tlan tha ber Hamilton chuan a car fak chungin an car atanga sawrchhuah tur la awm thu a sawi a, long run-a Red Bulls el pha tak tak turin hmabak an la nei tih a sawi.
Briton mihang driver chuan, “A nawlpuia thlirin nikum ai khan kan car hman tur hian min tihlim zawk a, hmasawnna duhawm tak tak kan hmu chho mek a, race car a ang lehzual ta,” tiin nikuma car fuh tawk lo vanga beisei pha lo Hamilton chuan season thara an hman tur car thar a thlir.
Bahrain 2nd practice-ah Hamilton chungnung
![](https://theaizawlpost.org/wp-content/uploads/tap_logo-min-large.jpg)