Bairabi Hydel Project tihpuitlin kan tum ang – Lalsawta

An sawrkar chuan Bairabi Hydel Project tihpuitlin an tum dawn tih Congress president Lalsawta chuan a sawi.
Inrinni khan Mizoram Secular Aliance hruaitute chuan chief minister Brig T Sailo kaihhruai sawrkarin khuah tuma hma a lo lak tawh Bairabi Hydel Project an tlawh a. He huna thusawitu MPCC president chuan Secular Alliance-a an thawhpui PC party rilrua thi thei lo, ram rotling tur Bairabi Hydel Project hi Congress a sawrkar chuan tihhlawhtlin an tum dawn tih a sawi.
Brig T Sailo chu hmathlir nei thui leh Zoram tana thahnem ngai em em a ni, tiin, a hmalakna tamtak chu chunzawm zel tlak a ni tih a sawi bawk.
PC president Vanlalruata chuan ZPM-in PC sawrkar laia hma an lakna thenkhat la puitling lo tihhlawhtlin an tum thu an sawi laiin, an sawi zingah Bairabi Hydel Project hi a tel lo, tiin “Keini chuan kan ngaihpawimawh ber a ni,” a ti.