Daily Newspaper

Bajrang Dal ten Krismas lawmna a kal khap

8

Krismas lawmnaa tela Biak Ina kal Hindu te chu ‘vuak’ an nih tur thu right-wing group Bajrang Dal te chuan Silchar a ‘Jai Shri Ram’ event neihnaah an sawi.

Online video nasa taka thehdarhah Mithu Nath, General Secretary of district unit, Vishwa Hindu Parishad (Bajrang Dal’s parent body) chuan Kristian tamna Meghalaya state capital Shillong-a Viveknanda Centre (Ramkrishna Mission hmalakna) tihtawp a ni chuan a tihthinrim thu sawiin Hindus te chuan Christmas Day programme leh a kaihhnawih an chhim khap a nih thu a sawi.

“Hindu-te Biak In tlawha kal te chu vuak an ni ang, a chhan chu kan pathian biakna min kharsaktu Christian function a kal duh Hindu te chu ka ten a ni. Kumin Krismas ah Hindu tumahin Biak In an pan tur a ni lo, an kal loh nan hma kan la ang,” tiin Mithu Nath chuan video thehdarhah chuan a sawi a.

“Hindu-te vek kan vel a nih chuan a tuk newspaper headlines-ah ‘Gunda Dal’ ten Oriental school an suasam an ti ang a, chung chu kan ngaih pawimawh a ni lo. Hindu ten Krismas laiin eng programme ah mah Shillong-a temple gate an kalh avangin an tel tur a ni lo,” tiin a sawi.

Nath chuan Khasi Student Union te chu ‘temple’ chu an khar thu sawiin mahse hei hi Meghalaya sorkar top official te chuan an hnial thung a, Cultural Centre (zirlaite advacned computer course zirtirna) gate te chu district holiday avangin khar a ni a, kalh a ni lo. Ramakrishna Mission temple pakhatmah khar a ni lo, tiin official chuan a sawi thung.

Northeastern state-ah Kristian an thahnem ber chungin Cachar district-ah erawh Silchar bula Ambikapatty a Oriental School huaihawtin Krismas lawmna kumtin neih thin a ni a. Kum tinin sakhaw hrang hrang betute an pungkhawm thin a ni.

Bajrang Dal te hi Vishwa Hindu parishad youth wing niin ‘Hindu nun dan’ humhimtu inti te niin Cachar district Barak Valley vel chu kum tam tak chhung thuk taka an thunun tawh a ni.

Mithu Nath chuan ‘love-jihad’ chungchang pawh sawiin an duh loh thu sawiin Bajrang Dal te chuan ‘kan nu leh fanute humhim nan’ eng sawiselna pawh tawrh kan huam a ti bawk a.

‘Mi thenkhat ten ‘Gundu Dal’ tiin min ko va, kan nu leh fanu te kawng dik lo an zawhna lak ata kan humhimna tur a nih chuan eng hming pawhin min ko se pawi kan ti lo’ tiin a sawi bawk.

‘Love Jihad’ tih tawngkam chu centre-in pawm lo mah se BJP rorelna state tam takah chuan tun hnaiah chai nasat hle niin nakum Assam Assembly Session neih turah Assam Finance Minister Himanta Biswa Sarma chuan he mi chungchang hi sawi a tum nia sawi a ni.

Love Jihad hi right-wing Hindu tena conspiracy theory an kalpui niin Muslim mipate chuan Hindu hmeichhiate chu nupuia neiin Muslim ah an lehna tiin an sawi a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy