Daily Newspaper

Ballon d’Or Dream team

9

France Football chuan football player chawimawina an sem thin, ngaihlut hlawh tak ‘Ballon d’Or’ hming chawiin ‘Dream team’ an thlang a. Tlarhmaah Lionel Messi, Cristiano Ronaldo leh Brazilian Ronaldo ten hmun an chang ho.

Ballon d’Or chawimawina sem chhuak thin France Football hian ram hrang hranga chanchinbu mi 140 te vote thlaktir in, ‘Ballon d’Or Dream’ team am thlang-chhuak. Covid 19 hripui leng vangin kum 2020 hian Ballon d’Or semchhuah theih a ni lo. Ballon d’Or semchhuah a nih loh vanga khawhar lutuk tur venna pakhat atan ‘Dream team’ hi thlan a ni ta a. Dream team-a hmun chang phak player 11-te an hraw hreih hrawih hle a, player ropui tak tak an ni vek hlawm.

Ballon d’Or dream XI-ah hian Russian si nghak tha zet mai, kum 100 kalta chhunga singhak tha ber chawimawina dawngtu Lev Yashin chu si nghaktu atan thlan a ni. Lev Yashin hian World Cup vawili a khel hman a, a hming a chher hle. Penalty vawi 150 chuang zet a dang hial. Soviet Uni-on chu Olympic leh European Competition-ah a champion pui bawk a. Kum 1963 khan ‘Ballon d’Or’ chawimawina a dawng. Si nghak zingah ani tluka Dream XI-a tel phu an awm lo.

Dream XI-ah hian Brazil defen-der ropui, ‘ani tluka wing back tha an la piang leh lo’ an tih hial thin Cafu te, defender tha sawi apianga sawi hmaih thiang lo tluka ngaih Italian defender ropui Paolo Maldini leh Franz Beckenbauer ten hmun an chang tlang hlawm a. Defender ropui ber ber an nih vangin an thik-awm loh hle.

Ballon d’Or Dream XI-ah rau rau pawh midfielder pali te hi an ropui leh zual hle. Kum 100 kal ta chhunga footballer ropui chawimawi na dawngtu pahnih Pele leh Diego Maradona te an awm tlang hem mai. Football lalpa tia hiala sawi Pele leh Football thiam bera ngaih Maradona te hi Barcelona midfielder ropui Xavi leh Germany midfielder ropui Lothar Matthaus ten an la thlawp dawn cheu bawk. Anni palite hi an vanglai inrual in, khel tlang tak tak sa se an hmuhnawm mai mai ngawtin a rinawm a. Sum tam tak seng tur pawhin an khel hi an en hlawm ngei ang.

Tlarhma player pathum an thlan chhuah zingah football khel mek pahnih Lionel Messi leh Cristiano Ronaldo te am awm tlang a. Hei hian an pahnih ropuizia a tilang chiang leh zual hle tura ngaih a ni. Foobtall chawlhsan tawh pahnih Pele leh Maradona te inkarah tu nge tha zawk tih thutlukna siam theih a ni lova, tha ber an nih dun tawp a ngai a ni deuh ber. Chutiang chiah chuan football khel mek pahnih Lionel Messi leh Cristiano Ronaldo te inkarah tunge tha zawk tih thlan fel theih a ni lova, inhnialna tawp thei lo a awm mek. Messi hi football player piang tawh zingah Bllon d’Or chawimawina dawng hnem ber a ni a, vawiruk a dawng tawh, C. Ronaldo hian Messi hi a dawt a, vawinga a dawng ve tawh bawk.

Messi leh C. Ronaldo te kawp-pui tur hian striker piang tawh zawng zawn zinga striker tha ber ang hiala ngaih. Mi tamtakin ‘Ronaldo tak tak’ ti ngata an la sawi thin Ronaldo Nazario thlanchhuah a ni bawk. Messi leh C. Ronaldo te hian he goal thun thei, thahrui ngah bawk si Ronaldo Nazario hi han chawm dun mai se an rapthlak zawk hial awm e!

Read More>> Full>> Epaper Subscribe Now

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy