Daily Newspaper

Ballon d’Or semchhuah a ni dawn lo

10

Covid 19 hripui leng chuan infiamnaah nghawng pawi tak a nei zui zel a. Footballer chawimawina sang leh ngaihhlut hlawh ber Ballon d’Or chu a vawikhat nan semchhuah a ni dawn lo.

Footballer chawimawina sang Ballon d’Or hi kum 1956 atang khan semchhuah tan a ni a, 2019 thleng khan mumal takin semchhuah a ni a, khaihlak a la awm ngai lo. 2020-ah erawh chuan semchhuah a ni dawn ta lo thung a, a vawikhat nan Ballon d’Or semchhuah a ni dawn lo tihna a ni nghal.

France Football magazine bul tumin kum 1956 khan Ballon d’Or hi semchhuah tan a ni a, chawimawina dawng hmasa ber chu Blackpool player Stanley Matthews a ni. Stanley Mathews hian Real Madrid player pahnih Alfredo Di Stéfano leh Raymond Kopa te khumin chawimawina dawng hmasa ber a ni teh tlat. Ballon d’Or hi mi hrang hrang 25 ten an dawng tawh. Barcelona leh Argentina fachuam Lionel Messi chu dawng hnem ber a ni a; vawiruk a dawng tawh. Lionel Messi elpui lian tak Cristiano Ronaldo chuan vawi 5 a dawng ve tawh bawk.

Ram ang chuan Germany, Netherland leh Portugal ten Ballon d’or hi an dawng hnem ber a, vawi 7 theuh an dawng. Germany atangin dawn tawh panga an awm a, Netherlands leh Portugal atang hian mi pathum ve ve in an dawng ve thung. Club ang chuan Barcelona in an dawng hnem ber a, an player parukin an dawng tawh a, an dawn belhkhawm hi 12 a ni.

2020-ah Ballon d’Or sem a ni lo tur hi he chawimawina vawinga dawng tawh Crsitiano Ronaldo tan a uiawm hle tura ngaih a ni. Ronaldo hi Serie A lamah a chetha hle a, Juventus a champion pui ngei tura ngaih a ni. Champions League lamah pawh champion tura rinkai zinga mi an ni mek bawk a, trophy lian pahnih la thei dinhmunah a ding mek. La Liga lamah mimal takin Lionel Messi a chetha a, goal 25 thunin top scorer a ni a, assist vawi 21 neiin La Liga-ah record thar a siam. Mimal takin chetha bawk mahse Barcelona hian an trophy kawl mek La Liga trophy an hloh thung. Copa del Rey final an lut zo lo bawk a, UCL-ah pawh champion tura rinkai an ni hran lo. Trophy chawi nei lova season khar thei an nih vangin Ballon d’Or chawimawina dawng turin Lionel Messi hian rin a kai rih lem lo. Trophy chawi nei lova Messi a nil lai a, Juventus in trophy an chawi a nih si chuan C. Ronaldo tan Messi umphakna hun tha tak a inhawnga ngaih a ni.

Ballon d’Or dawng tura rinkai zingah Bayern Munich goal thun khawl Robert Lewandoski hming a ri ring viau bawk. Lewandowski hian Bundesliga-ah goal 34 a thun a, topscorer a ni. Bundesliga topscorer a nih bakah hian European Golden Shoe dawng thei dinhmunah a ding mek a, a dinhmun a tha hle nghe nghe. Mimala a chetthat bakah Bayern hi Bundesliga-ah an champion a, German Cup-ah an champion bawk a, Champions League-ah champion tura rinkai an ni mek bawk. Heti a nih vang hian Robert Lewandoski tan tun hi Ballon d’Or dawn theih hun tha ber a ni thei hialin a rinawm a, semchhuah a ni lo tur hi a ui ber a nih hial a rinawm.

Ballon d’Or semchhuah a nih dawn loh vang hian France Football Dream Team thlan thar a ni dawn thung. Endiktu mi 180 ten position hrang hranga player tha zual pakhat theuh an thlang chhuak dawn a, position tin atang thlanchhuah tur hian mi panga zel chhawpchhuah an ni ang, chung ho chu uluk taka thlitfim zui an ni dawn a ni.

Ballon d’Or lo dawng tawhte:
Year Player Nationality Club
2019 Lionel Messi Argentina Barcelona
2018 Luka Modric Croatia Real Madrid
2017 Cristiano Ronaldo Portugal Real Madrid
2016 Cristiano Ronaldo Portugal Real Madrid
2015 Lionel Messi Argentina Barcelona
2014 Cristiano Ronaldo Portugal Real Madrid
2013 Cristiano Ronaldo Portugal Real Madrid
2012 Lionel Messi Argentina Barcelona
2011 Lionel Messi Argentina Barcelona
2010 Lionel Messi Argentina Barcelona
2009 Lionel Messi Argentina Barcelona
2008 Cristiano Ronaldo Portugal Manchester United
2007 Kaká Brazil Milan
2006 Fabio Cannavaro Italy Real Madrid
2005 Ronaldinho Brazil Barcelona
2004 Andriy Shevchenko Ukrain Milan
2003 Pavel Nedved Czech Republic Juventus
2002 Ronaldo Brazil Real Madrid
2001 Michael Owen England Liverpool
2000 Luís Figo Portugal Real Madrid
1999 Rivaldo Brazil Barcelona
1998 Zinedine Zidane France Juventus
1997 Ronaldo Brazil Internazionale
1996 Matthias Sammer Germany Borussia Dortmund
1995 George Weah Liberia Milan
1994 Hristo Stoichkov Bulgaria Barcelona
1993 Roberto Baggio Italy Juventus
1992 Marco van Basten Netherlands Milan
1991 Jean-Pierre Papin France Marseille
1990 Lothar Matthäus Germany Internazionale
1989 Marco van Basten Netherlands Milan
1988 Marco van Basten Netherlands Milan
1987 Ruud Gullit Netherlands Milan
1986 Igor Belanov Soviet Union Dynamo Kyiv
1985 Michel Platini France Juventus
1984 Michel Platini France Juventus
1983 Michel Platini France Juventus
1982 Paolo Rossi Italy Juventus
1981 Karl-Heinz Rummenigge West Germany Bayern Munich
1980 Karl-Heinz Rummenigge West Germany Bayern Munich
1979 Kevin Keegan England Hamburg
1978 Kevin Keegan England Hamburg
1977 Allan Simonsen Denmark Borussia M”nchengladbach
1976 Franz Beckenbauer West Germany Bayern Munich
1975 Oleg Blokhin Soviet Union Dynamo Kyiv
1974 Johan Cruyff Netherlands Barcelona
1973 Johan Cruyff Netherlands Barcelona
1972 Franz Beckenbauer West Germany Bayern Munich
1971 Johan Cruyff Netherlands Ajax
1970 Gerd Müller West Germany Bayern Munich
1969 Gianni Rivera Italy Milan
1968 George Best Northern Ireland Manchester United
1967 Flórián Albert Hungary Ferencv rosi TC
1966 Bobby Charlton England Manchester United
1965 Eusébio Portugal Benfica
1964 Denis Law Scotland Manchester United
1963 Lev Yashin Soviet Union Dynamo Moscow
1962 Josef Masopust Czechoslovakia Dukla Prague
1961 Omar Sívori Italy Juventus
1960 Luis Suárez Spain Barcelona
1959 Alfredo Di Stéfano Spain Real Madrid
1958 Raymond Kopa France Real Madrid

ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy