Bana Kaihah vbch. 350 dah
Thlai thar leina dah tawh lo
Mizoram budget tharah sawrkar flagship programme Bana Kaih kalpuina atan cheng vaibelchhe 350 dah a ni a. Thlai thar leina tur erawh a hranpaa dah a ni tawh lo.
Finance changtu chief minister Lalduhoma’n budget a pharh hnua thuthar thehdarhtute a kawmnaah 2025- 2026 chhungin Bana Kaih Scheme hnuaiah cheng vbch. 350 dah a nih thu sawiin, kuthnathawktute chawikanna atan hman an tum tih a sawi. Sawrkar kum kal mekah Bana Kaih atan hian cheng vbch. 200 dah niin, zaa 75-in tunah hian a pung tih a sawi a n i.
Hetihlai hian 2025- 5026 Mizoram budget-ah sawrkar kum kal meka thlai thar leina tur sum dah ang kha dah a ni tawh lo tih a sawi a. Thlai thar leina sum sen hautak zual hi kumin bak a nih a beisei awm tawh loh tih a sawi.
Sawhthing chu kumin bikah June thla thleng lei turin sawi tawh mah se, hun bithliah an nei leh dawn loa, a tahtawlin an lei chho zel dawn tih sawiin, “Tunah chuan kan dahkhawlna kudam a khat rih a, a lei kan chawl lailawk rih. A lei duhtu an rawn lang tan a, anni’n an lei anga, kudam a ruah veleh a lei hi kan chhunzawm leh ang,” chief minister hian a ti.
June thla thleng lei tur nia sawi a awm avang khan sawhthing chingtute an mangang hman deuh tih a sawi a. Hun bithliah a awm dawn tak loh avang hian hralh theih hun veleh a chawh chawp zel theih dawntih a sawi a ni.
Bana Kaihah vbch. 350 dah Thlai thar leina dah tawh lo
