Bangladesh hruaituin
inthlanpui neih hun tur sawi
August thla atanga Bangladesh sorkar lailawk kaihruaitu Muhammad Yunus chuan thawhtanni khan an ram chuan 2025 emaw, kum 2026 kumtir lamah emaw an ram chuan inthlanpui an neih tur thu a sawi.
Nobel Peace Prize lo dawng tawh Yunus hian August thlaa zirlai kaihhruaiin an ramchhunga helna an chawkchhuah hnuah Sheikh Hasina thlakin, ram hruai lailawk hna a thawk a, political party hrang hrangte hnen atangin inthlan hun ruat tura nawrna a dawng nasa hle tawh a ni.
Kum 84 mi Yunus hian an ram dinhmun leh boruak thlir chunga inthlan chu buatsaih chi chauh a nih thu hun hmasa lam atangin a la aupui reng a, mihring maktaduai 170 chuang awmna chu ralmuang taka inthlanpui hmachhawn tura a duh avanga inthlan la puang thei lo a nih thu a sawi a ni.
Hetih lai hian an ram hruaitu ni lai paihthlak tak kum 77 mi, Sheikh Hasina chu an thenawm India-ah himna zawngin a tlanchhe mek a, an ram khawpui Dhaka-ah chuan Hasina limte halin mi tam takin nawrh an la huaihawt reng bawk.
Yunus chuan an ram television-ah inthlan hun tur chu kum 2025 emaw 2026 kum tir lam emawah neih theih anih a beisei thu sawiin, tun dinhmunah erawh ramchhung dinhmun leh boruak thlirin inthlanpui hmachhawn tura an la inpeih loh nasat thu a sawi.
Bangladesh hruaituin inthlanpui neih hun tur sawi
