Bangladesh PM hlui rorel laiin dan lova dollar 16 billion lakchhuah a ni
Bangladesh prime minister hlui Sheikh Hasina-i’n kum 15 an ram chhunga rorelna a chelh chhungin kumtin Bangladesh atangin dan lova sorkar sum bawm haihawn thinna a awm a, a vaia belhkhawm phei chuan dollar tluklehdingawn 16 vel a nih thu sawi a ni.
Hei hi an ram hruaitu lailawk Muhammad Yunus-a din committee chuan hmuchhuakin, economist Debapriya Bhattacharya kaihhruai chu chhui turin a hriattir a, anni hian pathianni khan an ram economy chhuichianna thehlutin, sorkar lailawk chuan he thil dik lo tak hi a hmuchhuak ta tih a sawi.
Sheikh Hasina hian kum 15 chhung zet thuneihna changin, August thla khan zirlai nawrh huaihawtte chuan an paihthla a, sipai leh nawrh huaihawttute lam duh danin Yunus hian sorkar lailawk a kaihruai mek a ni.
Yunus chuan he thil dik lo hi an hmuhchhuah hnuah thuchhuah siam zuiin, thu lungchhiatthlak tak a nih thu a sawi a, an ram economy chu rawk ngei a nih thu sawiin, he thil hi a dik lo tih hrereng chungin a hun lai khan mi tam tak chuan huaisenna an nei zo lo, a ti bawk.
Bangladesh PM hlui rorel laiin dan lova dollar 16 billion lakchhuah a ni
