Bangladesh president ban
chungchangah thutlukna la siam lo
Bangladesh buaina kal zelah an ram president Mahammed Shahabuddin chuan banna a thehlut veleh ta a, hemi chungchangah hian sorkar lailawk chuan thuchhuah engmah a la nei lo thung.
President hi a chenna beih a nih hnu lawkah a bang a, prime minister Sheikh Hasina chungchang a sawi avanga a hna atanga bang tura nawrtu an tam em avang leh an chenna hmun hial an beih vang nia sawi a ni.
Kar hmasa khan Bangla daily Manab Zamin-in an kawmnaah president hian August 5-a Hasina-i’n Prime Minister a nihna atanga a ban hmaa documentary evidence a neih loh thu a sawi a, hei hi bang tura an nawr chhan lian tak nia sawi a ni bawk.
Thawhlehni khan nawrh huaihawttu engemawzat chu president chenna in Bangabhaban beih tumin an pungkhawm a, Shahabuddin chu ban an phut a ni. Lungawilohna lantirtute leh police te chu innawr buaiin, grenade kah ngai hial khawpin an intibuai a ni.
President ban chungchangah hian sorkar thuneitute chuan media mite zawhna an chhannaah, ‘Interim sorkar chuan he thil chungchangah hian thutlukna engmah a la siam lo,’ tih zawng an la sawi rih.
Sorkar lailawk chuan president chenna Bangabhaban leh a chhehvel chu venhimna khauh lehzual an pek thu sawiin, nawrh huaihawttute chu helai hmun chhuahsan turin an ngen nawn leh bawk.
Bangladesh president ban chungchangah thutlukna la siam lo
