Daily Newspaper

Bar thlaah Fury v Wilder III

14

A vawithumna atana Tyson Fury leh Deontay Wilder-te inhmachhawn hun tur an sawnhlat chu a ni an bithliah fel ta a, October ni 9 khi nemngheh a ni.

Wilder laka Fury world heavyweight title fight vawithumna tur hi ruahmanna hmasaah chuan kumin April ni 24 khan Las Vegas-a nghah tur a ni a, mahse, British heavyweight Fury kha coronavirus test-ah a positive ta hlauh a, bar thla atan an sawnhla ta a ni.

February 2020 khan kum 32 mi Fury hian amah aia kum thuma upa kum 35 mi American Wilder hnehin WBC champion nihna a chang a, thla 14 hnuah fighter pahnih hi Los Angeles khuaah intawng nawn lehin, hemi tum hian an in draw.

A vawithumna atana hruihrual chhunga an intawn leh hun tur nemngheh a nih rualin Manchester khaw pa Fury chuan a tumpui tur American mihang chu a hminglema koin, July ni 24-a ‘Big Dosser’ tuktlawm thuai thuai aia thlakhlelh a neih loh thu leh tunhma zawng aia thaa kirleh a tum thuin a inhrosa kuk kuk a, tihsual neih a tum tawh loh thu a sawi.

Hripui leng mek avanga a vawithumna tur an puitlin hleih theih loh lai khan Fury hian a chipui Briton ve bawk Anthony Joshua lam a hawi hman a, heavyweight huanga title pawimawh pathum kawltu Joshua nena an intawn hmain thuchhe remna lamah Wilder chuan an contract anga a vawi-thumna’na Fury hnek leh thei turin hnehna a chang a, Bar thlaah Fury v Wilder III kan hmu thei tawh turah ngai phawt ang.

Wilder-a manager Shelly Finkel chuan an zualko leh chhan pawh Wilder-a’n Fury laka a ba tlak a duh ngawih ngawih vang a nih thu sawiin, a world title title hloh tawh laklet leh duhin a tuihal reh thei lo tih a tarlang tel.

Fury hi fight vawi 31 a hmachhawn tawhah vawikhat mah a la tlawm lo a; Wilder pawh hian record duhawm tak kawlin, vawi 44 inhnekah vawikhat chiah a la tlawm.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy