Daily Newspaper

Barca friendly game-ah Messi inlan

36

A club vawn lai chhuahsan tumna atanga a hlawhchham hnua a vawikhatna atan Inrinni khan Lionel Messi chuan Barcelona tan a khel a, pre-season friendly match-ah a team chu third-tier Gimnastic de Tarragona lakah 3-1 hnehna a chanpui.

Kum 33 mi Argentine hian August thla khan a career pumpui a hman mekna Barca chhuahsan a duh thu ziakin club thuneitute hnenah a thehlut a, club lamin free transfer-a an chhuah duh loh avangin karhmasa hmasaleh khan a cham zui tur thu a nemnghet a, karliamta Thawhtani atangin Catalan team-ah training a zawm a, Nou Camp club-in an captain a nih chhunzawm leh tur thu an nemngheh hnu kartawpah friendly match a khel a, first eleven changin, half-time laiin bultan vetu dangte nen thl^k an ni.

He inkhelah hian Ousmane Dembele chuan goal hmahruai thunin, a hnuah Antoine Griezmann leh Phillipe Coutinho-te’n penalty atangin Barcelona tan an khungbelh ve bawk.

Catalan team tana goal khung hnember ni m>k Lionel Messi chhuah tum chung-changah khan kirleh ta lawk ila, Argentina captain khan contract an ziah hnuhnunbera release clause an ziahah man nei loa chhuak thei turin a inngai a, chutiang tur chuan a beisei a, pre-season training pawh a zawm duh lo hman ren rawn kha a ni a, mahse, club lamin inremna an lo ziah tawh angin Messi leichhuak duh tan euro maktaduai 700 (£624m) an ph<t tlat a, a club neihchhun nena court lama inkhinbuai a duh loh avangin Messi pawh chuan chhuah tumna a bansan fel tih a puang a, a team-ah training a zawm zui ta a ni.

September ni 27, Pathianni khian trophy la loa season hmang zo Barcelona chuan La Liga season thara an match hmasaberah Villarreal an mikhual ang.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy