Daily Newspaper

Barca manager thar Koeman

8

Dutch national team boss a nihna bansanin Ronald Koeman chu a club hlui Barcelona-ah a kirleh a, tuntum chu player emaw assistant coach emaw ni tawh loin head coach nihna nen Nou Camp-ah a kirleh.

Karliamta Zirtawpni Uefa Champions League quarter-final match-ah Catalan team hi Bundesliga champion Bayern Munich chuan Lisbon khuaah 8-2 tehrengin an sawp a, Thawhtanniah Barcelona chuan an manager chhawr lai Quique Setien banin, Dutchman an be nghal a; Thawhlehniah Koeman hian Josep Tarradellas Barcelona-El Prat Airport a thleng a, a club hlui nen kumhnih daih inremna ziakfelin, nimin, Nilaini khan media hm^ah Barca hian an boss thar an phochhuak ta a ni.

Kum 57 mi Koeman hian player ni chunga kumruk lek Nou Camp a luahlum chh<ng khan La Liga title pali telin trophy 10 zet a l^kpui hman.

Defender leh midfielder ni chunga khel thei ve ve Koeman hian kum 1989-1995 chhung khan Catalan team jersey ha chungin game 192-ah goal 67 a thun tling a, a inkhelh lai pawha player hlawhtling a ni.

Senior team-a a sulhnu han thlir zawi zawi ila, 1980-1983 khan Groningen tan game 90-ah goal 34 thunin, 1983-1986 khan Ajax tan khelh 94-ah goal 23; 1986-1989 kumah PSV tan game 98 atangin goal 51 a puitlin leh a, hemi zawh hian Barcelona-ah kalin, chuta tangin Feyenoord-ah a insawn a, khelh 61-ah goal 19 a thunsak leh.

Football khelh a chawlhsan hnuah coaching luhchilhin, Netherlands assistant coach nihna nen bul a tan a, chumi hnuah Barcelona assistant boss ni lehin, a hnu lamah chuan club lamah head coach hna a chelh cho ta a, a club enkawl tawhte chu Vitesse, Ajax, Benfica, PSV, Valencia, AZ, Feyenoord, Southampton leh Everton niin, kum 2018-2020 chhung khan Netherlands manager hna a chelh leh a, nimin atang khan Nou Camp office a luah zui ta a ni.

Coach a nihna zawnah pawh hian a hlawhtling ve thawkhat tawh tho tiin a sawi theih a, Eredivisie title pathum, KNVB Cup pakhat, Johan Cruyff Shield pahnih, Portuguese Super Cup pakhat leh Copa Del Rey title pakhat a hawn tawh.

He thu buatsaih lai thleng hian Barcelona chuan Everton boss hlui thawhpui tur an la puang lo a, Dutchman backroom team-ah hian Barca striker hlui Henrik Larssson kha assistant pakhat ni tura ngaih ngheh a ni.

Kum 120 chhung club an kalpui tawha an tlawm chian ber hun an tawnbuak hnuah Catalan team chuan an coach chhawr lai Setien an ban a, kha thu an puan rual khan Barcelona chuan an official website kaltlangin club chhungah inthl^kdang-lamna kalpui a nih tur thu an puang a, Thawhlehni chawhnu khan technical director Eric Abidal nen pawh an inthen fel thu an puang a, manager thar boruakin club a chiah zui nghal a ni.

Dutch coach Koeman hian kum 1998-2000 chhung khan Barca-ah hian assistant boss hna a lo chelh ve zawk tawh a, a club hluia head coach nih a hreh loh thu hi a lo sawichhuak zauh zauh tawh a, tunah chuan a duhthu-sam a thleng dik ta phawt a, engtia rei nge Nou Camp office a luah theih dawn tih chu hunin a la hril ang chu.

Catalan giants chuan an boss thar chungchang sawiin, “A laka kan th^p ngam chhan hi kan hriatchian vang a ni a, a thil ngaihtuah dan hawi z^wng kan hria a, a team-te a khelhtir thin dan kan hre bawk a, a tawnhriat hi kan duh chhan ni bawkin, Johan Cruyff-a ‘Dream Team’ member kha a ni a, amah pawhin Barca hi a hrechiang a, club-in football kan hriatthiam dan pawh a hre bawk,” tiin an player leh assistant coach hlui laka rinna an nghah ngam chhan an tarlang.

Netherlands manager nihna kalsana Barcelona a zawm hnuah nimin khan Koeman hi Camp Nou stadium-ah an phochhuak a, Spanish club thuchhuah chuan kum 2022 June ni 30 thleng an team coach a nih tur thu an tarlang a, “Kan club legend leh European Cup kan l^k hmasakber tum Wembley khelmuala fasn hlimna siamsaktu Barca hero Koeman kha Camp Nou-ah a lokir leh ta. Tuntum erawh team a kaihruai tawh thung dawn a ni,” tiin.

Koeman hian Barca-a hriatreng a hlawhna pui ber chu an manager ropui Johan Cruyff-a ‘Dream Team’ an tih mai zinga a tel lai 1992 European Cup final-a Sampdoria an hnehna goal awmchhun a tihluh kha a ni a, kha hnehna kha Catalan tean-in European Cup an l^k vawikhatna a nih bawk si avangin an club history-ah Dutchman hian hmun pawimawh a chang lo thei lo a ni.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy