Barcelona-ah loan bawkin Cancelo kirleh
Portugal international Joao Cancelo chuan a contract neih mekna Arab team Al-Hilal atangin loan bawka a lo khawsak tawhna Barcelona a pan a, tun season chhung Catalan team tan hian a khel ang.
Manchester City chuan an defender a nih laiin Cancelo hi kum 2023-24 season khan loan-in Nou Camp lub-ah hian an lo tirchhuak tawh a; kum 31 a nih tawh hnuah pawh Barca hian an la iai lo a, Thawhtanni khan Spain ramah hian medical pawh a paltlang fel tih Thawhlehn khan Barcelona thuchhuah chuan a tarlang.
Cancelo hian City atanga Barca thuam a inbel hma khan German club Bayern Munich-ah thlaruk lek a lo han khel zuai tawh bawk.
Barcelona-a a hun hmasa lamah khan inelna hrang hrangah match 42 khelin goal li a thun bakah assist vawi nga ngawt a nei tling.
A kumleh season-ah Pep Guardiola team City chuan Portuguese hi Saudi Pro League club Al-Hilal hnenah pound maktaduai 21.2-in an hralh chhuak.
Arab thlaler rama season khat lek a khelh hnuah Portugal full-back hian tun season-ah Al-Hilal tan league match hnih chiah a la khel tihin Europe a dakchhuak leh ta a ni.
Nizan result tarlan hman loh Copa del Rey match pakhatah Barcelona-in Racing de Santander an hmachhawn a, tah hian Cancelo an chhawr leh chhawr loh tarlan hman a ni lo a; Pathianni La Liga match-a Real Sociedad an kluhkhung hunah hian a khel dawn em tih pawh hriat a ni rih lo.
Barcelona-ah loan bawkin Cancelo kirleh
