Inrinni zana hmahruaitu Real Madrid tlawm hre renga khelmual lut Barcelona chuan Nou Camp thuamthat chhunga an home stadium Estadi Olímpic Lluís Companys-ah sikhat faiin Deportivo Alaves an hneh leh keuh a; pathumna dinhmun luah chhunzawm chungin an chung chiaha pahnihna luahtu Atletico Madrid nen point thumin an la inthlau a, Real an phak lohna pawh point li chiah a ni ta.
He inkhela Barca chakna goal awmchhun hi second half tir lam minute 61-a Robert Lewandowski tihluh leh bawk niin, Pole hian season kal laiah league goal 18 thun tling tawhin, La Liga top scorer a ni nghet deuh deuh.
Catalan team chakna goal awmchhun hi Pedri leh Raphinha ball inpektawn hnua Brazilian Rapinha shot an danper atanga Lewandowski thun a ni a; Lamine Yamal pawhin goal khung theihna hun remchang zet hmu mah se Alaves keeper Jesus Owono chuan a dansak.
Yamal hian Fermin Lopez tan pawh ball chhe lo zet chhawpsak mah se Spain international hian a team-mate ball pek a hmangtangkai zo lo.
Hansi Flick-a team Barca hi La Liga bika Alaves nen an intum hnuhnung vawi 15-ah vawi khat mah an la tlawm lo tluang zel a, vawi 13 chakin, draw vawihnih an nei.
Barcelona hian kartawp Pathianni zanah Sevilla tlawhin, he mi ni vek hian Alaves-in Getafe an mikhual ve bawk ang.
Barcelona an kal zel
