Daily Newspaper

Bartomeu dinhmun a derthawng

23

Barcelona star striker Lionel Messi hi khelmual chhung leh pawnah ngawi thei viau mah se kum tam vak lo kalta atang khan an club president Josep Maria Bartomeu leh a thurualpuite’n club an enkawl dan hi vantlang hriat a sawisel chho ta zauh zauh a, thla hmasa phei kha chuan Nou Camp atanga chhuah a dil ta hial a, khami hnu lawk khan Bartomeu paihthla tura beihpui thlakna a intan nghal chat a, tunah chuan vote hmanga a dinhmun b<k theih dinhmunah a ding ta.

Barca kalphungah president tanglai duhlohna ziaka nem-nghettu 16,500 an tlin chuan president dinhmun chu vote of no-confidence hmanga fiah theihna dan a awm a, chu dan hmanga paihthl^k tum chuan signature campaign kalpui a ni a, he thu buatsaih lai thleng hian signature 20,731 an hmuh tlin tawh avangin Messi chhuah tum chhan nia an puh Bartomeu hi thlathum chhungin referendum hmanga a din-hmun fiah theih a ni ta.

Kum 57 mi Bartomeu hian kum 2014 atang khan Barcelona president hna hi chelh tanin, term hnih a chelh tawh avangin kumthara president thar thlan turah hian a chuh ve thei tawh lo a, chawl tawh tho tur ni mah se Catalan hoin a term hman zawh pawh nghak zo loin a dinhmun atanga petchhuah ran dan kawng an dap ta a ni.

President dinhmun tih-chianna hun (referendum)-ah hian club member 150,000 zinga president tanglai duh lotu 66.5% an tlin chuan Bartomeu hian a hun tawp hm^in a post chelh lai a kalsan a ngai ang.

Tarlan tawh angin, nakum March thla hi Bartomeu term tawp hun a ni tawh a, vote of no-confidence hmanga phehtl<k Barca president pathumna ni thei dawnin a lang.

Josep Lluis Nunez (1998) leh Joan Laporta (2008) pawh vote of no-confidence hmanga fiah an lo ni ve tawh a, an him ve ve hlauh thung.

Tarlan tawh thin angin, Messi chhuak thei lo hian a club ngai a vawn leh tur thu sawi bawk mah se kum kalta lamah khan an sum dinhmun tl^khniam vang leh khelmuala an chetchhiat chhoh zel avangin club presient chungah hian Messi a lawm lo a, season liamta phei kha chuan kum tamtak chhunga a vawikhatna atan trophy hawn miah loin kum an khar ta hial nghe nghe.

Club chhung buaina belh-chhah turin an manager hlui Quique Setien leh a tha-chhangdawltu pathumte chuan Ningani khan contract an ziah anga club a kal loh avangin an lo khing ve chiah bawk.

Thla hmasaa an ban tak coach hluiho hian an petchhuah hun kha August ni 17 daih tawh a ni chungin September ni 16-ah an contract tihtawp thu ziaka an dawn chauh thu an sawi a; Setien chuan contract tawp hmaa an ban vanga z^ngnadawmna engmah a dawn loh thu a tarlang tel.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy