Daily Newspaper

Batgirl-ah Leslie Grace chang dawn

27

Zaithiam leh hla phuahthiam a ni a, lemchan lamah pawh a duai lo, In the Heights film-ah pawh hlawhtling takin a lo chang tawh a, tunah chuan DC Universe-ah zuang lutin, Barbara Gordon aka Batgirl lemah a chang dawn niin The Hollywood Reporter chuan a tarlang.

Batgirl film an siam tur hi Bad Boy for Life siamtu Adil El Arbi leh Bilall Fallah te direct tur niin, a script hi Christina Hodson kutchhuak a ni dawn a, ani hi DC tana Brids of Prey leh The Flash script te pawh an lo buaipui tawh a ni.
Lemchan bakah Leslie Grace hian rimawi khawvelah pawh a hming a chher tawh hle a, Latin Grammy Awards nomination pathum nei tawhin, Billboard Hot Latin Songs chart-ah top 10 kai thei hla pahnih ‘Will U Still Love Me Tomorrow’ leh ‘Be My Baby’ te a nei tawh bawk.

Gotham police commissioner Jim Gordon-a fanu Barbara Gordon hi Batgirl version-a hriathlawh ber a ni a, Batgirl hi 1961 khan Betty Kane angin an tichhuak tawh a, a character hi 1967-ah Vatman TV series atan an tuaithar leh a, he 60’s TV show-ah hian Tvonne Craig chu Batgirl lemah a chang a, 1997-a Batman & Robin film-ah Alicia Silverstone chu Batgirl lemah a lo chang tawh bawk.

Tuna Batgirl film an siam leh tur hi kum tam an lo buaipui tawh a, 2017 khan a direct tura an thlan Joss Whedona-‘n a bansan leh avangin a thawm a reh ta deuh a, tunah an rawn thar thawh leh ta a ni. A film tlangzarh hun tur an la puang lo a, 2023 kum tir lam a nih a rinawm.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy