Tunhnaia Aizawl leh a chhehvel hmun thenkhata bawng natna avangin bazar-a bawng sa zawrhte a hlauhawm lo tih a sa zuartute chuan an sawi.
Bawngsa Zuar Controller Board thuchhuak chuan, AH& Vety department-in Aizawl district-a Sihphir Venghlun, Durtlang Zuangtui kawng GCS Road leh Lengpui Mosia Farm te chu bawng natna, Lumpy Skin Disease (LSD) lenna hmunah a puang tih an hriatin pawi a tih thu a sawi a. Chutihrualin, market-a an bawngsa zawrh chu Kawl bawng, Myanmar atanga an lakluh a ni a. Talh hma leh talh hnu ah AH & Vety department hnuaia meat inspector-ten mihring hriselna atan a hlauhawm lo a ni tih uluk taka an enfiah hnua zawrhchhuah thin a nih avangin, tuna LSD leng nen hian inkaihhnawihna a awm lo tih mipui an hriattir tih a sawi a ni.
Bawng sa zawrhten natna kai loh thu sawi
