Bawnghnute thar tam dan ngaihtuah
Mizoram Milk Producers’ Cooperative Union Ltd. (MULCO) leh National Dairy Development Board (NDB) Kolkata tangdun chuan Mizorama Dairy Cooperative Societies hmasawn zelna atan inzirtharna, ni hnih awh training programme chu Aizawlah an buatsaih.
MULCO chairman C Lalrammawia leh MULCO managing director Harsh Vardhan ten Mulco leh NDDB thawhho rah chu kawng hrang hrangah a lang tih sawiin, hun rei tak Mulco chu loss a kal hnuah kumin kalta leh kal mekah profit neiin an kal thei a, Mulco in hlawkna a hmuh atangin society-te hnenah an bawnghnute chhun ang zelin bonus an pe thei chu lawmawm an tih thu an sawi.
He training programme rawn hmanpui tur leh training pe tur hian National Dairy Development Board (NDDB) Kolkata atangin mithiam pahnih – senior manager Chaitali Chatterjee leh deputy manager Dr. Sandeep Kumar ten hun rawn hmanpuiin, bawnghnute thianghlim leh tha tharna atan thil pawimawh hrang hrang, society-in farmer-te bawnghnute chhun a lo test dan tur, socitiey accounts enkawl dan leh Management Committee leh DCS member tih tur inhriattir bakah ran chaw tha chungchanga hriat tur tul inhrilh a ni.
Bawnghnute thar tam dan ngaihtuah
