West Bengal Chief Minister Mamata Banerjee chuan kum 2024 inthlanah BJP te chu hneh ngei an ngai tia sawiin India chuan ‘anarchy titawp turin mipui sorkar’ a siam ngei ngei a ngai tiin a sawi.
Assembly a thusawina a neihah Banerjee chuan BJP president JP Nadda an tun hnaia Bengal a tharumthawhna leh eirukna a sawi chungchang a chhanna ni ngeia ngaih theih turin West Bengal chu India hmun dang te aiin law and order lamah a tha zawk vek tiin a sawi bawk a.
Hei mai bakah hian Mamata Banerjee chuan Centre thupek angin BSF te chuan West Bengal state ramri ah huangtau taka chetlakna an nei a ti bawk a.
“Border area ah pawisawilo tihhlumin an awm a. Centre hian heng inthahna te chhui chiang tur hian fact-finding team a tir duh miah lo” tiin West Bengal Chief Minister chuan a sawi bawk.
Tun hnaia Centre atanga hriatttirna chhuah mahse hnuh let leh taka mipuite chu Valentine’s Day a Bawng te kuah tura ngenna chungchangah Banerjee chuan bawng in min sik tum ta thut se a ti bawk a.
“Bawngin min si thut ta se, eng nge thleng ang? BJP te hian zangnadawmna min pe dawn em ni?” tiin a sawi bawk.