Kolasib district bawrhsap Robert C Lalhmangaiha chuan Nilaini khan Zophai leh Phaisena Mizoram leh Assam state inrina a enfiah a. Bairabi leh Phaisen Police Check Gate-a inner line permit (ILP) pekchhuah leh National Highway 154 Bairabi to Tuichhuahen Zero Point kawng siam lai tlawhin, Bairabi khawchhunga two lane kawng siamah an ram sutchhiat sakte a kawm bawk.
Tunhnaiah Assam atangin Mizorama luh tum an thahnem thin hle a. Hei vang hian Mizoram luhkaa police station check gate-ah ILP siam hna pawh ngawrh taka kalpui a ni. Hemi kawngah hian Kolasib bawrhsap chuan ILP chu fimkhur leh felfai taka pekchhuah a tul, tiin, hei vanga a hmuna tlawh a ni tih a sawi. Check gate-a thawktute chuan sponsorship nei lo leh document felfai tak nei lote chu ILP pek an ni lo tih an sawi a ni.
Bawrhsap hian Bairabi Police Station-ah Bairabi-a Land Owners’ Association hotute a kawm a. NH 154 siam meka sawrkar hmalakna leh harsatna awmte sutkian dan ngaihtuahho a ni. Bairabi khaw chhunga double lane kawng siam mekah ram neituten compensation-a harsatna an tawh chu sawiho niin, hmalak dan tur an rel a ni.
Bawrhsap-in check gate a tlawh
