Zanin zanlai dar 1:30 hian UEFA Champions League, last 16 second leg khelh chhunzawm a ni dawn a. Allianz Arena-ah Europe-a team lian pahnih Bayern Munich leh Paris St-Germain an inhmachhawn dawn. Zanin vek hian London club Totten-ham chuan San Siro-ah si khat faia an hneh loh AC Milan an mikhual ve dawn bawk.
Team lian, player tha tak tak kawl khawmtu Bayern Munich leh PSG te hi Parc des Princes ah an lo inhma-chhawn tawh a, Ligue champion PSG hi an mikhual German champion Bayern Munich lakah si khat faiin an lo tlawm tawh. An muala ngei pawh German ral lian dang hneh lo va tlawm tawh an nih vangin PSG tan quarter-final lut turin kawng hautak tak zawh a ngai dawn a. Bayern Munich lakah chak tura rinkai zawk an ni phak lo.
Inkhel pawimawh takah Bayern Munich an hmachhawn hunah hian PSG player pawimawh Neymar chu hliam vangin a inlan thei dawn lova, Neymar awm lo hi PSG tan channa lian a tling ngei ang.
Bayern Munich mualah PSG
